ფინანსთა სამინისტროს შემოსავლების სამსახურის მეთოდოლოგიის დეპარტამენტისა და საინფორმაციო ტექნოლოგიების ცენტრის წარმომადგენლებმა, აქტუალური საგადასახადო საკითხების განხილვის მიზნით, დაინტერესებულ პირებთან ონლაინ ფორმატში მორიგი სამუშაო შეხვედრა გამართეს.შეხვედრის ფარგლებში, განხილული იქნა ისეთი აქტუალური საკითხები, როგორიცაა:

მეთოდოლოგიური მითითება – „საგადასახადო შემოწმების შედეგად დარიცხული ჯარიმების თანხების 50 პროცენტის გაუქმების შესახებ“;

• ფიზიკური პირის ქონების გადასახადის წარდგენის წესი და პირობები;
• ავანსის ანგარიშ-ფაქტურის განაშთვის ახალი წესი;
• მეწარმე სუბიექტების მიმართ გავრცელებული საგადასახადო შეღავათები;
• და სხვა

შეხვედრის მსვლელობისას, მონაწილეებს შესაძლებლობა ჰქონდათ მოეწერათ მათთვის საინტერესო კითხვები და დასკვნით ნაწილში ამომწურავი პასუხები მიეღოთ.

შემოსავლების სამსახურის ვებგვერდზე არსებული ელექტრონული პორტალის https://www.rs.ge/Meetingsspace – ,,შეხვედრების სივრცე” დახმარებით, მიზნობრივ ჯგუფებთან შეხვედრები, მომავალშიც გაგრძელდება.