სამსახურმა (SARAS) AML/CFT მიმართულებით, ანგარიშვალდებული პირებისთვის, პრაქტიკული მნიშვნელობის დოკუმენტი შეიმუშავა, რომელიც აერთიანებს კანონმდებლობით გათვალისწინებულ ძირითად ვალდებულებებსა და მათი შესრულების ვადებს.
დოკუმენტი ეფუძნება „ფულის გათეთრებისა და ტერორიზმის დაფინანსების აღკვეთის ხელშეწყობის შესახებ“ საქართველოს კანონსა და შესაბამის კანონქვემდებარე ნორმატიულ აქტებს და მიზნად ისახავს მათი მოთხოვნების დროულად შესრულების ხელშეწყობას.
აღნიშნული ინფორმაცია აქამდე სხვადასხვა სამართლებრივ აქტსა და ინსტრუქციაში იყო წარმოდგენილი, ხოლო ახალი ფორმატი მომხმარებლებს საშუალებას აძლევს, გაერთიანებული სახით მიიღონ სრულყოფილი და სტრუქტურირებული ინფორმაცია, რაც ამცირებს შეცდომების რისკს და ზრდის შესაბამისობის ხარისხს.
დოკუმენტის მომზადება პასუხობს პრაქტიკულ საჭიროებას და აღნიშნული ინიციატივა მიზნად ისახავს ანგარიშვალდებული პირების მხარდაჭერას და მათთვის პროცესის მაქსიმალურად გამარტივებას.