2026 წლის 7 მარტიდან ამოქმედდება ცვლილება „სპეციალური დაბეგვრის რეჟიმების გამოყენების შესახებ“ საქართველოს ფინანსთა მინისტრის 2010 წლის 31 დეკემბრის N999 ბრძანებით დამტკიცებულ ინსტრუქციებში.
სპეციალური დაბეგვრის რეჟიმების შესახებ“ ინსტრუქციაში (დანართი №1) განსახორციელებელი ცვლილების თანახმად, მიკრო ბიზნესის სტატუსიდან მცირე ბიზნესის სტატუსზე გადასვლის შემთხვევებში ზუსტდება პირობები და მცირე ბიზნესის სტატუსის ძალაში შესვლის თარიღები. კერძოდ“
- 30 000 ლარიანი ზღვარის გადაჭარბებიდან 15 დღეში მომართვის შემთხვევაში მცირე ბიზნესის სტატუსი ენიჭება გადაჭარბების დღიდან და მინიჭებამდე პერიოდში მიღებული შემოსავალი დაექვემდებარება დაბეგვრას მიკრო ბიზნესისთვის დადგენილი წესის შესაბამისად;
- 30 000 ლარიანი ზღვარის გადაჭარბებიდან 15 დღის გასვლის შემდეგ მომართვის შემთხვევაში მცირე ბიზნესის სტატუსი ენიჭება მომართვის დღიდან და მინიჭებამდე პერიოდში მიღებული შემოსავალი დაექვემდებარება საშემოსავლო გადასახადით დაბეგვრას საერთო წესით;
- 30 000 ლარიანი ზღვარის არ გადაჭარბების შემთხვევაში, მცირე ბიზნესის სტატუსი ენიჭება მომართვის დღიდან და მინიჭებამდე პერიოდში მიღებული შემოსავალი დაექვემდებარება დაბეგვრას მიკრო ბიზნესისთვის დადგენილი წესის შესაბამისად.
იცვლება მცირე ბიზნესის სტატუსის მინიჭების თარიღი, მცირე ბიზნესის სტატუსი პირს მიენიჭება საგადასახადო ორგანოსთვის განცხადებით მიმართვის დღიდან. სავალდებულო ხდება „მცირე ბიზნესის სტატუსის მქონე ფიზიკური პირის საშემოსავლო გადასახადის ყოველთვიური დეკლარაციის“ წარდგენა, როდესაც გადასახდელად დასარიცხი გადასახადის თანხა ნულის ტოლია.
„ფიქსირებული გადასახადის გადამხდელის სტატუსის მინიჭებისა და გაუქმების, ფიქსირებული გადასახადის გადახდისა და ანგარიშგების და ფიქსირებული გადასახადის გადამხდელის სერტიფიკატის გაცემის წესის შესახებ“ ინსტრუქციაში (დანართი №4) განსახორციელებელი ცვლილების თანახმად: ზუსტდება, რომ ფიქსირებული გადასახადის გადამხდელის სტატუსის მინიჭებისას ფიზიკური პირის შემთხვევაში ინდივიდუალ მეწარმედ რეგისტრაცია სავალდებულოა. ფიქსირებული გადასახადის გადამხდელის სტატუსის გაუქმების პირობებს ემატება ფიზიკური პირის გარდაცვალება და ინდივიდუალურ მეწარმედ რეგისტრაციის გაუქმება.
ცვლილება იხილეთ შემდეგ ბმულზე: საქართველოს ფინანსთა მინისტრის 05.02.2026 წლის N 38 ბრძანება