„გადასახადების ადმინისტრირების შესახებ“ საქართველოს ფინანსთა მინისტრის 2010 წლის 31 დეკემბრის №996 ბრძანებაში 2026 წლის 24 თებერვალს საქართველოს ფინანსთა მინისტრის N52 ბრძანებით შეტანილი ცვლილების შესაბამისად მოგების გადასახადის (წლიური) დეკლარაციის და მოგების გადასახადის ყოველთვიური დეკლარაციის (მხოლოდ მარტის თვის საანგარიშო პერიოდის) ფორმებს დაემატა დანართი – „ინფორმაცია საქართველოს საგადასახადო კოდექსის 126-129¹ მუხლებით გათვალისწინებული საერთაშორისო კონტროლირებული ოპერაციების შესახებ“.
ცვლილების თანახმად საწარმო ვალდებულია ზემოაღნიშნულ დანართში ასახოს ინფორმაცია 2025 წლის განმავლობაში განხორციელებული საერთაშორისო კონტროლირებული ოპერაციების შესახებ თუ საწარმოს მიერ განხორციელებული საერთაშორისო კონტროლირებული ოპერაციების (მათ შორის უსასყიდლო ოპერაციისა და კრედიტორული/დებიტორული დავალიანების ნაშთების გათვალისწინებით) მოცულობა ჯამურად, აღემატება 500 000 ლარს.
ცვლილება ამოქმედდა 2026 წლის 25 თებერვლიდან და მისი მოქმედება გავრცელდება 2025 წლის და შემდგომ საანგარიშო პერიოდზე წარსადგენ ინფორმაციაზე.
სრულად ცვლილებები იხილეთ შემდეგ ბმულებზე:
საქართველოს ფინანსთა მინისტრის 2026 წლის 24 თებერვლის N52 ბრძანება