„ბუღალტერთა კავშირმა“, რომელიც 2019 წლის მარტშია დაფუძნებული (პრეზიდენტი – ტატა ბერიძე), 2026 წლის 21 თებერვალს რესტორან „ამარე“-ში გამართა ფინანსისტთა და ბუღალტერთა დაჯილდოების საღამო, ბანკეტთან ერთად. ღონისძიებას დაახლოებით 120 წევრი და მოწვეული სტუმარი დაესწრო. დამსწრეთა შორის იყვნენ წარმომადგენლები აზერბაიჯანის, მოლდოვას და ჩრდილოეთ მაკედონიის პროფესიული ორგანიზაციებიდან. საღამო საზეიმო და კეთილგანწყობილ გარემოში წარიმართა.
ღონისძიებაზე, სხვადასხვა პროფესიული მიღწევებისთვის, დაჯილდოვდა რამდენიმე ათეული მონაწილე. განსაკუთრებით სასიხარულოა, რომ მათ შორის დაჯილდოვდა ჟურნალი „აუდიტი, აღრიცხვა, ფინანსები“ – „ფინანსური აღრიცხვის განვითარებაში შეტანილი წვლილისთვის“.
დიდ მადლობას ვუხდით „ბუღალტერთა კავშირს“ ჩვენი საქმიანობის დაფასებისა და მხარდაჭერისთვის!