მიმდინარე წლის 2 მარტს გამოქვეყნდა ცვლილება „გადასახადების ადმინისტრირების შესახებ“ საქართველოს ფინანსთა მინისტრის 2010 წლის 31 დეკემბრის N 996 ბრძანებაში.
განხორციელებული ცვლილების თანახმად შემოსავლების სამსახურის ავტორიზებული მომხმარებლის გვერდის (eservices.rs.ge) პაროლის აღდგენის, აგრეთვე აღნიშნულ გვერდზე საკონტაქტო ტელეფონის ნომრის ცვლილების მოთხოვნით მომართვის უფლება იმ პირის შემთხვევაში (გარდა ინდივიდუალური მეწარმისა) რომლის რეგისტრაციას ახორციელებს სსიპ – საჯარო რეესტრის ეროვნული სააგენტო და რომელსაც ჰყავს ერთზე მეტი ხელმღვანელობის/წარმომადგენლობითი უფლებამოსილების მქონე პირი განესაზღვრა მხოლოდ სსიპ – საჯარო რეესტრის ეროვნული სააგენტოს ავტორიზებული მომხმარებლის გვერდის მართვაზე უფლებამოსილ ხელმძღვანელ პირს.
აღნიშნული ხელმღვანელობის/წარმომადგენლობითი უფლებამოსილების მქონე პირის შესახებ ინფორმაცია სსიპ – შემოსავლების სამსახურს მიეწოდება სსიპ – საჯარო რეესტრის ეროვნული სააგენტოს მიერ.
ცვლილების ამოქმედების თარიღია 2026 წლის 31 მარტი.
სრულად ცვლილება იხილეთ შემდეგ ბმულზე: