საქართველოს საპენსიო ფონდის მთავარი საინვესტიციო ოფიცრის მოვალეობის შემსრულებელი, ანა ნაჭყებია, Banking Association for Central and Eastern Europe (BACEE)-ისა და Cartu Bank-ის მიერ ორგანიზებულ 51-ე საერთაშორისო საბანკო კონფერენციას დაესწრო.
კონფერენციის ფარგლებში ანამ მონაწილეობა მიიღო პანელურ დისკუსიაში – „საქართველოს ფინანსური ბაზრების პოტენციალი“ – სადაც მან ისაუბრა საქართველოს საფინანსო სექტორის მდგრად განვითარებაზე, კაპიტალის ბაზრების გაფართოების მნიშვნელოვან პოტენციალსა და ინსტიტუციური ინვესტორების, მათ შორის საპენსიო ფონდის, როლზე ამ პროცესში.
მისივე განცხადებით, საქართველოს საპენსიო ფონდი ქვეყნის ერთ-ერთი უმსხვილესი ინსტიტუციური ინვესტორია, რომელიც გრძელვადიანი ლარის რესურსის მობილიზებით მნიშვნელოვან როლს თამაშობს საქართველოს ფინანსური სექტორისა და ადგილობრივი კაპიტალის ბაზრის განვითარებაში.