დაზღვევის დღის კვირეულის ფარგლებში, დმანისში მუნიციპალიტეტის ხელმძღვანელ პირებთან სამუშაო შეხვედრა გაიმართა. შეხვედრას დმანისის მერი კობა მურადაშვილი, საკრებულოს თავმჯდომარე პაატა ყულიაშვილი და მუნიციპალიტეტის თანამშრომლები დაესწრნენ.
ღონისძიება საქართველოს დაზღვევის სახელმწიფო ზედამხედველობის სამსახურის უფროსმა გახსნა. დავით ონოფრიშვილმა ყურადღება გაამახვილა დაზღვევის სფეროში მომხმარებელთა უფლებების დაცვის მნიშვნელობაზე, მათ ძირითად უფლებებზე, ფინანსური ცნობიერების ამაღლებასა და ინფორმაციის ხელმისაწვდომობის გაზრდის გზებზე.
შეხვედრაზე საუბარი შეეხო დაზღვევის სახელმწიფო ზედამხედველობის სამსახურის მანდატს, მის ფუნქციებსა და როლს მომხმარებლის ინტერესების დაცვის პროცესში.
დამსწრეებს სიტყვით მიმართა სამსახურის მომხმარებლის უფლებების დაცვისა და ფინანსური განათლების სამმართველოს მთვარმა სპეციალისტმა მანონი ციხელაშვილმა.
შეხვედრა მიზნად ისახავდა ადგილობრივ დონეზე თანამშრომლობის გაძლიერებას. განსაკუთრებული ყურადღება დაეთმო იმას, თუ რამდენად მნიშვნელოვანია მოქალაქეებმა იცოდნენ საკუთარი უფლებები, სად შეუძლიათ მიმართვა საჭიროების შემთხვევაში და როგორ მუშაობს მომხმარებლის უფლებების დაცვის მექანიზმები დაზღვევის სფეროში.
მსგავსი შეხვედრები ხელს უწყობს მოსახლეობასთან უფრო მჭიდრო კომუნიკაციას, ნდობის გაძლიერებას და ფინანსური განათლების ზრდას, რაც საბოლოოდ უზრუნველყოფს ინფორმირებულ მომხმარებელსა და უფრო გამჭვირვალე სადაზღვევო გარემოს.