სამსახური 29 აპრილს, 14:00 საათზე, III და IV კატეგორიის საწარმოებისთვის გამართავს ონლაინ საინფორმაციო შეხვედრას თემაზე: „2025 წლის საანგარიშგებო პერიოდის ანგარიშგების წარდგენის პროცესი“.
შეხვედრის მიზანია ანგარიშვალდებული პირებისთვის ანგარიშგების პროცესის გამარტივების ხელშეწყობა, ანგარიშგების მომზადებისა და წარდგენის პროცესში მნიშვნელოვანი საკითხების განხილვისა და შესაბამისი რეკომენდაციების გაზიარების გზით, რაც ხარისხიანი ანგარიშგების მომზადებასა და დროული წარდგენის პრაქტიკის გაუმჯობესებას შეუწყობს ხელს.
შეგახსენებთ, რომ 2025 წლის საანგარიშგებო პერიოდზე ანგარიშგების წარდგენისა და გასაჯაროების პროცესი უკვე დაწყებულია და მიმდინარეობს უწყვეტ რეჟიმში. სამსახური ანგარიშვალდებულ საწარმოებს მოუწოდებს, არ დაელოდონ საბოლოო ვადას და უზრუნველყონ ანგარიშგების დროული წარდგენა.
ონლაინ შეხვედრაზე დასასწრებად დაინტერესებულმა პირებმა წინასწარ უნდა გაიარონ რეგისტრაცია მითითებული ბმულის საშუალებით.