შემოსავლების სამსახურის მიერ მომზადდა კითხვარი ,,ფიზიკური პირისთვის ქონების ჩუქების/რეალიზაციის შედეგად წარმოშობილი საგადასახადო ვალდებულებები საშემოსავლო გადასახადის მიზნებისთვის”  

კითხვარი განსაზღვრავს 2024 წლიდან შემდგომ პერიოდებზე ფიზიკური პირისთვის ქონების ჩუქებით, მემკვიდრეობით მიღებისა და რეალიზაციის შემთხვევაში წარმოშობილ საშემოსავლო გადასახადთან დაკავშირებულ საგადასახადო ვალდებულებებს.

კითხვარი არ მოიცავს:

• შემთხვევებს, როდესაც ფიზიკური პირის მიერ ქონების რეალიზაცია ხორციელდება სამეწარმეო საქმიანობის ფარგლებში, მათ შორის ქონების უსასყიდლოდ მიწოდებისას (ჩუქებისას);
• საგადასახადო კანონმდებლობით დადგენილ შეღავათებს, გარდა საქართველოს საგადასახადო კოდექსის 82-ე მუხლის პირველი ნაწილის “ვ”, “ზ”, “თ” და “ი” ქვეპუნქტებით და მე-4 ნაწილით განსაზღვრული შემთხვევებისა;
• საგადასახადო ვალდებულებას, როდესაც საკითხის შინაარსის/ფორმის სპეციფიკიდან გამომდინარე, იკვეთება განსხვავებული ფაქტობრივი გარემოება, რომელსაც მხარეებს შორის წარმოშობილი ურთიერთობის კლასიფიკაციაზე გავლენის მოხდენა შეუძლია.

აღნიშნული კითხვარი ხელმისაწვდომია შემოსავლების სამსახურის ვებგვერდზე (rs.ge)

კითხვარის სანახავად ეწვიეთ ბმულს

,,ფიზიკური პირისთვის ქონების ჩუქების/რეალიზაციის შედეგად წარმოშობილი საგადასახადო ვალდებულებები საშემოსავლო გადასახადის მიზნებისთვის”