მიმდინარე წლის 20-23 აპრილს, საფრანგეთში, ქალაქ პარიზში გაიმართა აუდიტის დამოუკიდებელ მარეგულირებელთა საერთაშორისო ფორუმის (IFIAR) ყოველწლიური პლენარული შეხვედრა, რომელსაც მასპინძლობდა საფრანგეთის აუდიტის საზედამხედველო ორგანო (H2A).
შეხვედრაში მონაწილეობა მიიღეს სამსახურის (SARAS) უფროსმა და შესაბამისი დეპარტამენტის წარმომადგენლებმა.
IFIAR წარმოადგენს საერთაშორისო ფორუმს, რომელიც აერთიანებს მსოფლიოს სხვადასხვა ქვეყნის აუდიტის ზედამხედველ ორგანოებს და ემსახურება აუდიტის ხარისხისა და საზედამხედველო პრაქტიკის გაუმჯობესებას გლობალურ დონეზე. IFIAR-ის ყოველწლიური პლენარული შეხვედრა კი წარმოადგენს პროფესიული დისკუსიის მნიშვნელოვან სივრცეს, სადაც დარგის წარმომადგენლებს შესაძლებლობა ეძლევათ, ჩაერთონ თემატურ მსჯელობებში, გაეცნონ სფეროში არსებულ სიახლეებს და გამოცდილება გაუზიარონ სხვა მარეგულირებელი ორგანოებისა და გლობალური აუდიტორული ფირმების წარმომადგენლებს.
2026 წლის პლენარული შეხვედრის ფარგლებში განსაკუთრებული ყურადღება დაეთმო აუდიტში ხელოვნური ინტელექტის გამოყენებას, აუდიტორულ ფირმებში ინვესტირების ალტერნატიულ მოდელებსა და მდგრადობის ანგარიშგების მარწმუნებელი მომსახურებების განვითარებას.
სამსახურის მონაწილეობა აღნიშნულ შეხვედრაში ხელს უწყობს საერთაშორისო პროფესიულ თანამშრომლობას, თანამედროვე მიდგომების გაზიარებას და ეროვნული აუდიტის ზედამხედველობის პრაქტიკის შემდგომ განვითარებას.