მიმდინარე წლის ბოლო ერთი თვის მონაცემებით, საბაჟო გამშვებ პუნქტებში – “სარფი”, “სადახლო-საავტომობილო”, “ვალე”, “გუგუთი” და “ყაზბეგი”, დიდი ოდენობით არადეკლარირებული სიგარეტის ქვეყნის საზღვარზე კანონდარღვევით შემოტანის მცდელობის ფაქტები აღიკვეთა.

ფინანსთა სამინისტროს შემოსავლების სამსახურის მებაჟე ოფიცრებმა, გადამოწმებისას, საქართველოსა და უცხო ქვეყნის მოქალაქეების, როგორც ფიზიკური, ასევე კუთვნილი ბარგის/ავტომობილების დეტალური დათვალიერების შედეგად, საერთო ჯამში – 6 206 კოლოფი არადეკლარირებული სიგარეტი აღმოაჩინეს.

არადეკლარირებული საქონლის საერთო საბაზრო ღირებულებამ 31 800 ლარი შეადგინა.

საქართველოს საბაჟო კოდექსის შესაბამისად, კანონდამრღვევ 38 მოქალაქეს სანქციის სახით, ჩამოერთვა არადეკლარირებული საქონელი, ხოლო 4 მოქალაქის მიმართ საქმის მასალები შემდგომი რეაგირების მიზნით, საქართველოს ფინანსთა სამინისტროს საგამოძიებო სამსახურს გადაეგზავნა.