ბუღალტრული აღრიცხვის, ანგარიშგებისა და აუდიტის ზედამხედველობის სამსახურის (SARAS) უფროსის 2026 წლის 5 მაისის №ნ-4 ბრძანებით, სამოქმედოდ იქნა შემოღებული ბუღალტერთა საერთაშორისო ფედერაციის (IFAC) მიერ დადგენილი „ეთიკის საერთაშორისო კოდექსის სახელმძღვანელო პროფესიონალი ბუღალტრებისთვის“ 2025 წლის გამოცემა.
ეთიკის კოდექსის 2025 წლის გამოცემაში ასახულია მდგრადობის მარწმუნებელი გარიგებების საერთაშორისო სტანდარტის (მმგსს) 5000-ის შემოღებით გამოწვეული ცვლილებები.
ქართულ ენაზე თარგმნილი ეთიკის კოდექსი განთავსებულია სამსახურის ვებგვერდზე და ხელმისაწვდომია აუდიტორებისთვის, აუდიტორული ფირმებისთვის, პროფესიული ორგანიზაციებისთვის, ბუღალტრებისთვის და სხვა დაინტერესებული პირებისთვის.