4 ივნისს, 11:00 საათზე, სამსახური (SARAS) ონლაინ საინფორმაციო შეხვედრას გამართავს თემაზე – ფინანსური ანგარიშგებების მიმოხილვის პროცესი და ფასს სტანდარტებთან მიმართებით ხშირად გამოვლენილი შეუსაბამობები.
შეხვედრა განკუთვნილია დაინტერესებული მხარეებისთვის, აუდიტორებისა და იმ საწარმოთა წარმომადგენლებისთვის, რომლებიც ანგარიშგებას ფასს სტანდარტებით ამზადებენ.
შეხვედრის მიზანია, მონაწილეთა ინფორმირება, ფინანსური ანგარიშგებების მიმოხილვის შედეგად გამოვლენილი შეუსაბამობებისა და ხარისხიანი ფინანსური ანგარიშგების მახასიათებლების შესახებ.
შეხვედრის ფარგლებში განხილული იქნება ფინანსური ანგარიშგებების მიმოხილვის წესთან დაკავშირებული საკითხები, ყველაზე ხშირად გამოვლენილი შეუსაბამობები და რეკომენდაციები. ასევე, წარმოდგენილი იქნება თემატური მიმოხილვების ფარგლებში გამოვლენილი მიგნებები, ყურადღება გამახვილდება არსებითობაზე, მის რაოდენობრივ და ხარისხობრივ ფაქტორებზე, რომელიც ფინანსური ანგარიშგების მომზადების საფუძველია. აგრეთვე წარმოდგენილი იქნება ინფორმაცია ახალი სტანდარტებისა და სტანდარტებში განხორციელებული ცვლილებების/შესწორებების შესახებ.
ღონისძიებაზე დასასწრებად აუცილებელია წინასწარი რეგისტრაციის გავლა.