ფინანსთა სამინისტროს შემოსავლების სამსახურის უფროსის პირველმა მოადგილემ, პაატა კილაძემ საერთაშორისო სავალუტო ფონდის კავკასიის, ცენტრალური აზიისა და მონღოლეთის რეგიონული შესაძლებლობების განვითარების ცენტრის ( CCAMTAC ) დირექტორთან, ჰოლგერ ფლოკერმეიერთან და საერთაშორისო სავალუტო ფონდის მუდმივ წარმომადგენელთან საქართველოში, ენდრიუ ჯეველთან სამუშაო შეხვედრა გამართა.
შეხვედრის ფარგლებში, მხარეების მიერ დადებითად შეფასდა შემოსავლების სამსახურსა და CCAMTAC-ს შორის მრავალწლიანი და ნაყოფიერი თანამშრომლობა ინსტიტუციური შესაძლებლობების გაძლიერების, წარმატებული გამოცდილების გაზიარებისა და ადმინისტრაციული პროცესების მართვის გაუმჯობესების მიმართულებით. ამასთან, მხარეებმა კიდევ ერთხელ დაადასტურეს აქტიური ურთიერთთანამშრომლობის გაგრძელებისა და ახალი ინიციატივების მხარდაჭერის მზაობა.
სამუშაო შეხვედრას ესწრებოდნენ საერთაშორისო ურთიერთობათა დეპარტამენტის უფროსის მოადგილე, დაჩი ქინქლაძე და ანალიტიკური დეპარტამენტის უფროსის მოვალეობის შემსრულებელი, არსენ თევდორაშვილი.