საქართველოს სტატისტიკის ეროვნული სამსახურის აღმასრულებელმა დირექტორმა გოგიტა თოდრაძემ, საერთაშორისო სავალუტო ფონდის მუდმივ წარმომადგენელს საქართველოში, ენდრიუ ჯუელსა და კავკასიის, ცენტრალური აზიისა და მონღოლეთის რეგიონული შესაძლებლობების განვითარების ცენტრის (CCAMTAC) დირექტორს, ჰოლგერ ფლორკემეიერსთან გაცნობითი ხასიათის შეხვედრა გამართა.
შეხვედრის ფარგლებში მხარეებმა განიხილეს ტექნიკური თანამშრომლობის მიმდინარე და სამომავლო პროექტები მაკროეკონომიკური სტატისტიკის, ეროვნული ანგარიშებისა და ფასების სტატისტიკის მიმართულებით.
განსაკუთრებული ყურადღება გამახვილდა საერთაშორისო სტატისტიკური მეთოდოლოგიების განახლებასა და სტატისტიკური წარმოების პროცესში თანამედროვე ტექნოლოგიების დანერგვის მნიშვნელობაზე.
მხარეებმა ასევე აღნიშნეს, რომ საერთაშორისო პარტნიორებთან თანამშრომლობა ხელს უწყობს სტატისტიკური სისტემის განვითარებას, მონაცემთა ხარისხის გაუმჯობესებასა და თანამედროვე სტანდარტებთან შესაბამისობის უზრუნველყოფას.