Homeააფ-ნიუსებიგოგიტა თოდრაძე UNICEF-ის წარმომადგენელს საქართველოში იზაბელა კასტროჯოვანის შეხვდა

გოგიტა თოდრაძე UNICEF-ის წარმომადგენელს საქართველოში იზაბელა კასტროჯოვანის შეხვდა

Published on

spot_img

საქართველოს სტატისტიკის ეროვნული სამსახურის  აღმასრულებელი დირექტორი, გოგიტა თოდრაძე, გაეროს ბავშვთა ფონდის (UNICEF) ახლად დანიშნულ წარმომადგენელს საქართველოში, იზაბელა კასტროჯოვანი შეხვდა.

გაცნობითი ხასიათის შეხვედრაზე მხარეებმა განიხილეს საქსტატსა და UNICEF-ს შორის არსებული თანამშრომლობის მიმართულებები და სამომავლო პარტნიორობის განვითარების შესაძლებლობები. საუბარი შეეხო ხარისხიანი და სანდო სტატისტიკური მონაცემების მნიშვნელობას ბავშვთა კეთილდღეობის, განათლების, ჯანმრთელობისა და სოციალური დაცვის სფეროებში პოლიტიკის დაგეგმვისა და ეფექტიანი გადაწყვეტილებების მიღების პროცესში.

გოგიტა თოდრაძემ UNICEF-ის წარმომადგენელს თანამდებობაზე დანიშვნა მიულოცა და ხაზი გაუსვა ორგანიზაციასთან მრავალწლიანი და ნაყოფიერი თანამშრომლობის მნიშვნელობას. მან აღნიშნა, რომ საქსტატი მზად არის, მომავალშიც აქტიურად ითანამშრომლოს UNICEF-თან სხვადასხვა სტატისტიკური გამოკვლევის განხორციელების მიმართულებით.

იზაბელა კასტროჯოვანიმ მადლობა გადაუხადა საქსტატის ხელმძღვანელობას შეხვედრისთვის და აღნიშნა, რომ UNICEF განსაკუთრებულ მნიშვნელობას ანიჭებს მონაცემებზე დაფუძნებული პოლიტიკის მხარდაჭერას. მისი თქმით, ორგანიზაცია მომავალშიც გააგრძელებს საქსტატთან თანამშრომლობას ბავშვთა და მოზარდთა მდგომარეობის ამსახველი მონაცემების ხარისხისა და ხელმისაწვდომობის გასაუმჯობესებლად.

შეხვედრის დასასრულს მხარეებმა სამომავლო თანამშრომლობის პრიორიტეტულ მიმართულებებზე იმსჯელეს და პარტნიორობის კიდევ უფრო გაღრმავების მზადყოფნა გამოთქვეს.

ბოლო ამბები

გაცვლითი კურსი

საქართველოს ეროვნულმა ბანკმა 21-24 ნოემბრის ოფიციალური გაცვლითი კურსი გამოაქვეყნა...

სამსახურმა აზერბაიჯანის რესპუბლიკის აუდიტორთა პალატის დელეგაციას უმასპინძლა

ვიზიტი მიზნად ისახავდა ორ უწყებას შორის პროფესიული თანამშრომლობის გაძლიერებასა და აუდიტის ხარისხის ზედამხედველობის, მარეგულირებელი ჩარჩოსა და საზედამხედველო მეთოდოლოგიების მიმართულებით პრაქტიკული გამოცდილების გაცვლას...

სამრეწველო პროდუქციის მწარმოებელთა ფასების ინდექსი საქართველოში – 2026 წლის ოქტომბერი

2026 წლის ოქტომბერში სამრეწველო პროდუქციის მწარმოებელთა ფასების ინდექსი წინა თვესთან შედარებით 0.04 პროცენტით შემცირდა, ხოლო წინა წლის შესაბამის თვესთან შედარებით სახეზეა ინდექსის 3.5 პროცენტიანი მატება...

გაცვლითი კურსი

საქართველოს ეროვნულმა ბანკმა 20 ნოემბრის ოფიციალური გაცვლითი კურსი გამოაქვეყნა...

ბოლო ამბები

გაცვლითი კურსი

საქართველოს ეროვნულმა ბანკმა 21-24 ნოემბრის ოფიციალური გაცვლითი კურსი გამოაქვეყნა...

სამსახურმა აზერბაიჯანის რესპუბლიკის აუდიტორთა პალატის დელეგაციას უმასპინძლა

ვიზიტი მიზნად ისახავდა ორ უწყებას შორის პროფესიული თანამშრომლობის გაძლიერებასა და აუდიტის ხარისხის ზედამხედველობის, მარეგულირებელი ჩარჩოსა და საზედამხედველო მეთოდოლოგიების მიმართულებით პრაქტიკული გამოცდილების გაცვლას...

სამრეწველო პროდუქციის მწარმოებელთა ფასების ინდექსი საქართველოში – 2026 წლის ოქტომბერი

2026 წლის ოქტომბერში სამრეწველო პროდუქციის მწარმოებელთა ფასების ინდექსი წინა თვესთან შედარებით 0.04 პროცენტით შემცირდა, ხოლო წინა წლის შესაბამის თვესთან შედარებით სახეზეა ინდექსის 3.5 პროცენტიანი მატება...