ფინანსთა სამინისტროს შემოსავლების სამსახურის უფროსმა, მიხეილ მაღლაკელიძემ, პირველ მოადგილესთან, პაატა კილაძესთან ერთად, ანალიტიკური დეპარტამენტის თანამშრომლებს ხელმძღვანელის პოზიციაზე, მიხეილ ჩიკვილაძე წარუდგინა.
მას დამთავრებული აქვს ივანე ჯავახიშვილის სახელობის თბილისის სახელმწიფო უნივერსიტეტის ეკონომიკისა და ბიზნესის ფაკულტეტი და ფლობს ბიზნესის ადმინისტრირების დოქტორის აკადემიურ ხარისხს.
მიხეილ ჩიკვილაძემ უწყებაში მუშაობა 2006 წლიდან დაიწყო და 20 წლის განმავლობაში სხვადასხვა საპასუხისმგებლო თანამდებობას იკავებდა.
შემოსავლების სამსახურის უფროსმა, მიხეილ მაღლაკელიძემ ანალიტიკური დეპარტამენტის ხელმძღვანელს თანამდებობაზე დანიშვნა მიულოცა და მომავალ საქმიანობაში წარმატებები უსურვა.
შეხვედრას ესწრებოდნენ შემოსავლების სამსახურის უფროსის მოადგილეები – ია ახალაია, მიხეილ ჩოკოშვილი, ლევან წითელაშვილი, ირაკლი შარტავა და სტრუქტურული ერთეულების ხელმძღვანელი პირები.