ფინანსთა სამინისტროს შემოსავლების სამსახურის საბაჟო დეპარტამენტში არსებულმა – “გაეროს ნარკოტიკებისა და დანაშაულის წინააღმდეგ ბრძოლის ოფისის მგზავრებისა და ტვირთების კონტროლის პროგრამის” (PCCP) დანაყოფის წევრებმა ყაზახ კოლეგებს უმასპინძლეს.
შეხვედრის მსვლელობისას, მხარეებმა საქართველოსა და ყაზახეთს შორის საბაჟო მიმართულებით, არსებული გამოწვევები განიხილეს და მიღწეული შედეგების მნიშვნელობაზე ისაუბრეს. ამასთან, სამუშაო შეხვედრაზე, ხაზგასმით აღინიშნა, რომ მჭიდრო თანამშრომლობა მომავალშიც გაგრძელდება და მოიცავს, ისეთ სფეროებს, როგორიცაა: საუკეთესო გამოცდილების გაზიარება, საბაჟო ადმინისტრაციის თანამშრომელთა გადამზადება და სხვა.
ვიზიტის ფარგლებში, ყაზახეთის დელეგაციის წევრებმა მოინახულეს საჰაერო ტვირთების კონტროლის დანაყოფის სამუშაო სივრცეები, სგპ “თბილისის აეროპორტი”, ასევე ესტუმრნენ საბაჟო ტერმინალ – „ლასარეს“ და თბილისში არსებულ გაფორმების ეკონომიკურ ზონებს, სადაც საქონლის კონტროლის/გაფორმების პროცედურებს ადგილზე გაეცნენ.