შპს „რეგულაციებთან შესაბამისობის აკადემიამ“ (ს/კ: 404753478) 2026 წლის 19 მაისსა და 21 მაისს განცხადებით მიმართა სამსახურს ფულის გათეთრებისა და ტერორიზმის დაფინანსების აღკვეთის ხელშეწყობის მიმართულებით განგრძობითი განათლების მომსახურების მიმწოდებლად აღიარებისა და განგრძობითი განათლების სასწავლო კურსების პროგრამების შეთანხმების მოთხოვნით. სამსახურს წარედგინა 6-საათიანი და 20-საათიანი სასწავლო კურსების პროგრამები.
განცხადებების განხილვის შედეგად, 2026 წლის 3 ივნისს სამსახურმა გამოსცა N349 და N348 ბრძანებები, რომლებითაც შპს „რეგულაციებთან შესაბამისობის აკადემია“ 2026 კალენდარული წლისთვის ფულის გათეთრებისა და ტერორიზმის დაფინანსების აღკვეთის ხელშეწყობის მიმართულებით განგრძობითი განათლების მომსახურების მიმწოდებლად აღიარა, ხოლო მის მიერ წარმოდგენილი სასწავლო კურსების პროგრამები შეათანხმა.
სამსახურთან შეთანხმებულ სასწავლო კურსებს მიენიჭა ნომრები – SARAS-AMLCFTCPD-07/26 და SARAS-AMLCFTCPD-08/26. შპს „რეგულაციებთან შესაბამისობის აკადემია“ აღნიშნულ პროგრამებს საჯაროდ განათავსებს.