საქართველოს სტატისტიკის ეროვნული სამსახურის აღმასრულებელი დირექტორის მოადგილემ, ირაკლი აფხაიძემ მონაწილეობა მიიღო თბილისის მდგრადი განვითარების მე-16 რეგიონულ ფორუმში, რომელიც თბილისის მერიის ორგანიზებით გაიმართა.
ფორუმი წარმოადგენს მნიშვნელოვან პლატფორმას, რომელიც აერთიანებს საჯარო სექტორის, ბიზნესის, აკადემიური წრეებისა და საერთაშორისო ორგანიზაციების წარმომადგენლებს მდგრადი განვითარების აქტუალური საკითხების განსახილველად. ღონისძიების ფარგლებში ყურადღება დაეთმო სოციალურ-ეკონომიკური განვითარების, დემოგრაფიის, მიგრაციის, განათლების, ინოვაციების, ენერგეტიკის, ურბანული განვითარების და სხვა მნიშვნელოვან თემებს.
ირაკლი აფხაიძემ მონაწილეობა მიიღო პანელურ სესიაში – „დემოგრაფია, მიგრაცია, მდგრადი, ხელმისაწვდომი და სოციალურად ინკლუზიური საცხოვრისი“, სადაც დემოგრაფიული და მიგრაციული პროცესების თანამედროვე ტენდენციები და მათი სოციალურ-ეკონომიკური გავლენა განიხილეს.
პანელური დისკუსიის ფარგლებში, საქსტატის აღმასრულებელი დირექტორის მოადგილემ დამსწრე საზოგადოებას მოსახლეობის დემოგრაფიული მდგომარეობისა და მიგრაციის მიმართულებით არსებული ძირითადი სტატისტიკური მაჩვენებლები და ტენდენციები გააცნო, რომელიც ეფუძნება 2024 წლის მოსახლეობის აღწერის შედეგებს და ასევე მიმდინარე ადმინისტრაციული სტატისტიკის მონცემებს. განსაკუთრებული ყურადრება დაეთმო არწერის მეთოდოლოგიურ და ინოვაციურ სიახლეებს.
თბილისის მდგრადი განვითარების რეგიონული ფორუმი 2007 წლიდან იმართება და წლების განმავლობაში ჩამოყალიბდა გამოცდილების, თანამედროვე მიდგომებისა და ახალი იდეების გაზიარების მნიშვნელოვან პლატფორმად, რომელიც ხელს უწყობს თანამშრომლობის გაღრმავებასა და მდგრად განვითარებას როგორც ადგილობრივ, ისე საერთაშორისო დონეზე.