ბუღალტრული აღრიცხვის, ანგარიშგებისა და აუდიტის ზედამხედველობის სამსახური (SARAS) საქართველოს მასშტაბით რეგიონული საინფორმაციო შეხვედრების ციკლის გამართვას გეგმავს.
შეხვედრები ანგარიშგების მიმართულებით დაინტერესებული პირების ინფორმირებას, ანგარიშგების წარდგენის პროცესის გამარტივებასა და წარდგენილი ანგარიშგებების ხარისხის გაუმჯობესების ხელშეწყობას ისახავს მიზნად.
ღონისძიებების ფარგლებში ყურადღება გამახვილდება ანგარიშგების მომზადებისა და წარდგენის პროცესში გასათვალისწინებელ საკითხებზე, ხშირად დაშვებულ შეცდომებსა და პრაქტიკულ რეკომენდაციებზე. ასევე განხილული იქნება ბუღალტრებისა და საბუღალტრო ფირმების შესაბამის რეესტრებში რეგისტრაციასთან დაკავშირებული საკითხები.
გთხოვთ, მონაწილეობა მიიღოთ გამოკითხვაში, რომლის შედეგებიც დაგვეხმარება, საქართველოს მასშტაბით საინფორმაციო შეხვედრების ჩატარების ადგილები განვსაზღვროთ.