ფინანსთა სამინისტროს შემოსავლების სამსახურის ხელმძღვანელმა, მიხეილ მაღლაკელიძემ საერთაშორისო სავალუტო ფონდის (IMF) მრჩეველთან, ტორსტენ იაკობსენთან გაცნობითი ხასიათის შეხვედრა გამართა.
შეხვედრაზე მხარეებმა საქართველოსა და საერთაშორისო სავალუტო ფონდს შორის არსებული ორმხრივი ურთიერთობის მნიშვნელობაზე ისაუბრეს და ტექნიკური თანამშრომლობის ფარგლებში დაგეგმილი პროექტები განიხილეს.
შემოსავლების სამსახურის უფროსმა ხაზი გაუსვა საერთაშორისო სავალუტო ფონდის უწყვეტ მხარდაჭერას და იმედი გამოთქვა, რომ საერთაშორისო სავალუტო ფონდის ექსპერტების მიერ, შემუშავებული რეკომენდაციები ხელს შეუწყობს საგადასახადო ადმინისტრაციის შესაძლებლობების კიდევ უფრო განვითარებას.
უწყებაში გამართულ შეხვედრას, ესწრებოდნენ შემოსავლების სამსახურის უფროსის მოადგილე, ია ახალაია, ასევე საერთაშორისო ურთიერთობათა დეპარტამენტის უფროსი, არჩილ დარახველიძე, ანალიტიკური დეპარტამენტის ხელმძღვანელი, მიხეილ ჩიკვილაძე და სხვა პასუხისმგებელი პირები.