ფონდის აქტივებმა 2025 წლის ბოლოს 8.2 მილიარდ ლარს მიაღწია, რაც მონაწილეთა კონტრიბუციების ზრდამ და ძლიერმა საინვესტიციო შედეგებმა განაპირობა.
2025 წელს საინვესტიციო მოგებამ 796 მლნ ლარს მიაღწია, რაც ისტორიულ მაქსიმუმს წარმოადგენს. აღსანიშნავია, რომ ფონდის შექმნიდან დღემდე ჯამურმა საინვესტიციო მოგებამ 2.2 მლრდ ლარს მიაღწია.
2025 წელს ჯამურმა პორტფელმა 11.8%-იანი წმინდა ნომინალური და 7.6%-იანი წმინდა რეალური ამონაგები აჩვენა. შედეგი როგორც ადგილობრივი, ისე საერთაშორისო ინვესტიციების მაღალ შემოსავლიანობას ასახავს, ხოლო დადებითმა რეალურმა ამონაგებმა, მაღალი ინფლაციის მიუხედავად, მონაწილეთა დანაზოგების მსყიდველობითი უნარის შენარჩუნებასა და ზრდას შეუწყო ხელი.
2025 წლის სრული წლიური საინვესტიციო ანგარიში იხილეთ ბმულზე: https://pensions.ge/ka/investment-activity/annual-investment-report