ფინანსთა სამინისტროს შემოსავლების სამსახურის საბაჟო დეპარტამენტის თანამშრომლებმა აზერბაიჯანის რესპუბლიკის სახელმწიფო საბაჟო კომიტეტის წარმომადგენლებთან, ონლაინ ფორმატში სამუშაო შეხვედრა გამართეს. აღნიშნული შეხვედრა ორ სახელმწიფოს შორის თავისუფალი ვაჭრობის შესახებ შეთანხმების ფარგლებში, საქონლის პრეფერენციული წარმოშობის სერტიფიკატების ადმინისტრირების პროცესში საუკეთესო პრაქტიკისა და მიდგომების განხილვას დაეთმო.
საბაჟო დეპარტამენტის წარმომადგენლებმა აზერბაიჯანელ კოლეგებს წარუდგინეს ვრცელი პრეზენტაცია პრეფერენციული წარმოშობის სერტიფიკატების გაცემის წესებისა და საერთაშორისო ხელშეკრულებებით განსაზღვრული კრიტერიუმების შესახებ. ამასთან, მხარეებმა საბაჟო ადმინისტრაციებს შორის არსებულ გამოწვევებზე ისაუბრეს და მომავალი თანამშრომლობის გაღრმავების შესაძლებლობებზე იმსჯელეს.
შეხვედრა დისკუსიის რეჟიმში წარიმართა და აზარბაიჯანის საბაჟო კომიტეტის წევრებს შესაძლებლობა მიეცათ მათთვის საინტერესო კითხვებზე ამომწურავი პასუხები მიეღოთ.