Homeააფ-ნიუსებისამსახური (SARAS) ანგარიშგების მიმართულებით რეგიონული საინფორმაციო შეხვედრების ციკლს იწყებს

სამსახური (SARAS) ანგარიშგების მიმართულებით რეგიონული საინფორმაციო შეხვედრების ციკლს იწყებს

Published on

spot_img

ბუღალტრული აღრიცხვის, ანგარიშგებისა და აუდიტის ზედამხედველობის სამსახური (SARAS), რეგიონებში მცირე და საშუალო საწარმოების განვითარების პროექტის (RSMEDP) მხარდაჭერით, ანგარიშგების მიმართულებით რეგიონული საინფორმაციო შეხვედრების ყოველწლიურ ციკლს იწყებს.

ღონისძიებები განკუთვნილია მესამე და მეოთხე კატეგორიის საწარმოების წარმომადგენლებისთვის, ბუღალტრებისა და ანგარიშგების მიმართულებით სხვა დაინტერესებული პირებისთვის.

შეხვედრების ფარგლებში სამსახურის (SARAS) წარმომადგენლები მიმოიხილავენ ფინანსური ანგარიშგების წარდგენის პროცესს, მის ძირითად ეტაპებსა და პრაქტიკაში ხშირად გამოვლენილ შეცდომებს. მონაწილეები მიიღებენ ინფორმაციას ანგარიშგების მომზადებისა და წარდგენისას გასათვალისწინებელი საკითხებისა და შესაბამისი რეკომენდაციების შესახებ.

ღონისძიებების ფარგლებში ასევე განხილული იქნება საქართველოში არსებული სავაჭრო და ალტერნატიული დაფინანსების ინსტრუმენტები, საბანკო პროდუქტების ეფექტიანი შერჩევისა და სტრატეგიული ფინანსური კონსულტაციის საკითხები, აგრეთვე Excel-ზე დაფუძნებული ანალიტიკური ინსტრუმენტების პრაქტიკული გამოყენება. შეხვედრები ინტერაქციული ფორმატით წარიმართება.

შეხვედრების ჩატარების ადგილები ბუღალტრებისა და საწარმოების წარმომადგენლების მონაწილეობით ჩატარებული წინასწარი გამოკითხვის შედეგების საფუძველზე განისაზღვრა. შედეგად, საინფორმაციო ღონისძიებები იმ რეგიონებში გაიმართება, სადაც მათი ჩატარების ყველაზე მეტი საჭიროება და დაინტერესება გამოიკვეთა.

საინფორმაციო შეხვედრები შემდეგი განრიგით გაიმართება:

ბათუმი – 30 ივნისი – რეგისტრაციისთვის გადადით ბმულზე: https://forms.gle/tPeLAqhysQtGQfiQ7

ოზურგეთი – 1 ივლისი – რეგისტრაციისთვის გადადით ბმულზე: https://forms.gle/WKfvfaiXEvkFLnLAA

ზუგდიდი – 2 ივლისი – რეგისტრაციისთვის გადადით ბმულზე: https://forms.gle/P6ebhHZoMKmudGxt6

ქუთაისი – 3 ივლისი – რეგისტრაციისთვის გადადით ბმულზე: https://forms.gle/fEq7mD99acYnZWfy6

თელავი – 6 ივლისი – რეგისტრაციისთვის გადადით ბმულზე: https://forms.gle/GmY8wo4uZkbRkV4k6

გორი – 8 ივლისი – რეგისტრაციისთვის გადადით ბმულზე:https://forms.gle/Rh7BZPhpRyGwfZnz9

ახალციხე – 9 ივლისი – რეგისტრაციისთვის გადადით ბმულზე: https://forms.gle/52bsz6LdYUh5xEGf8

თბილისი – 16 ივლისი – რეგისტრაციისთვის გადადით ბმულზე: https://forms.gle/YpRAGFTfGd3K63Jo9

ღონისძიებებზე დასასწრებად აუცილებელია წინასწარი რეგისტრაცია. დაინტერესებულმა პირებმა უნდა შეავსონ შესაბამისი შეხვედრისთვის განკუთვნილი სარეგისტრაციო ფორმა.

რეგიონული საინფორმაციო შეხვედრების ჩატარება ხელს უწყობს ანგარიშგების წარდგენის პროცესთან დაკავშირებული ცნობიერების ამაღლებას, ხშირად დაშვებული შეცდომების შემცირებასა და წარდგენილი ფინანსური ანგარიშგებების ხარისხის გაუმჯობესებას.

ბოლო ამბები

გაცვლითი კურსი

საქართველოს ეროვნულმა ბანკმა 21-24 ნოემბრის ოფიციალური გაცვლითი კურსი გამოაქვეყნა...

სამსახურმა აზერბაიჯანის რესპუბლიკის აუდიტორთა პალატის დელეგაციას უმასპინძლა

ვიზიტი მიზნად ისახავდა ორ უწყებას შორის პროფესიული თანამშრომლობის გაძლიერებასა და აუდიტის ხარისხის ზედამხედველობის, მარეგულირებელი ჩარჩოსა და საზედამხედველო მეთოდოლოგიების მიმართულებით პრაქტიკული გამოცდილების გაცვლას...

სამრეწველო პროდუქციის მწარმოებელთა ფასების ინდექსი საქართველოში – 2026 წლის ოქტომბერი

2026 წლის ოქტომბერში სამრეწველო პროდუქციის მწარმოებელთა ფასების ინდექსი წინა თვესთან შედარებით 0.04 პროცენტით შემცირდა, ხოლო წინა წლის შესაბამის თვესთან შედარებით სახეზეა ინდექსის 3.5 პროცენტიანი მატება...

გაცვლითი კურსი

საქართველოს ეროვნულმა ბანკმა 20 ნოემბრის ოფიციალური გაცვლითი კურსი გამოაქვეყნა...

ბოლო ამბები

გაცვლითი კურსი

საქართველოს ეროვნულმა ბანკმა 21-24 ნოემბრის ოფიციალური გაცვლითი კურსი გამოაქვეყნა...

სამსახურმა აზერბაიჯანის რესპუბლიკის აუდიტორთა პალატის დელეგაციას უმასპინძლა

ვიზიტი მიზნად ისახავდა ორ უწყებას შორის პროფესიული თანამშრომლობის გაძლიერებასა და აუდიტის ხარისხის ზედამხედველობის, მარეგულირებელი ჩარჩოსა და საზედამხედველო მეთოდოლოგიების მიმართულებით პრაქტიკული გამოცდილების გაცვლას...

სამრეწველო პროდუქციის მწარმოებელთა ფასების ინდექსი საქართველოში – 2026 წლის ოქტომბერი

2026 წლის ოქტომბერში სამრეწველო პროდუქციის მწარმოებელთა ფასების ინდექსი წინა თვესთან შედარებით 0.04 პროცენტით შემცირდა, ხოლო წინა წლის შესაბამის თვესთან შედარებით სახეზეა ინდექსის 3.5 პროცენტიანი მატება...