მიმდინარე წლის 8 ივლისს, 14:00 საათზე, უწყებაში მიმდინარე სიახლეებისა და აქტუალური საკითხების გაცნობის მიზნით, ონლაინ ფორმატში მორიგი საინფორმაციო შეხვედრა გაიმართება. დაინტერესებულ პირებთან განხილული იქნება შემდეგი საკითხები:
• ფინანსთა მინისტრის 2026 წლის 14 მაისის N142 საჯარო გადაწყვეტილება – სახელმწიფოს მიერ განხორციელებული და მხარდაჭერილი ცალკეული ოპერაციების დღგ-ით დაბეგვრის საკითხების შესახებ;
• ფინანსთა მინისტრის 2026 წლის 14 მაისის N143 საჯარო გადაწყვეტილება – „ფიზიკური პირის მიერ აქტივის მიწოდების შედეგად მიღებული შემოსავლის საშემოსავლო გადასახადით დაბეგვრის საკითხებზე“;
• ფინანსთა მინისტრის 2026 წლის 18 მაისის N147 საჯარო გადაწყვეტილება „გაცვლის ბარტერული ოპერაციის დღგ-ით დაბეგვრის თაობაზე, ამ ოპერაციის ფარგლებში უძრავი ნივთის მიწოდებისას“ საქართველოს ფინანსთა მინისტრის 2024 წლის 7 ივნისის N195 საჯარო გადაწყვეტილებაში ცვლილების შეტანის შესახებ;
• დღგ-ს ჩათვლა/პროპორციული ჩათვლა;
• პირის მიერ, საწარმოს წილის სანაცვლოდ აქტივების გადაცემის და საწარმოს ლიკვიდაციისას, კაპიტალის შემცირებისას, ან აქციის/წილის გამოსყიდვისას, პარტნიორზე ნატურალური ფორმით განხორციელებული განაცემის დაბეგვრა;
• საერთაშორისო კომპანიის სტატუსის მინიჭება, ნებადართული საქმიანობის განსაზღვრა;
აღნიშნული შეხვედრა ონლაინ-საკომუნიკაციო პლატფორმა Zoom-ის მეშვეობით განხორციელდება.
დამატებითი ინფორმაციის მისაღებად და რეგისტრაციისთვის ეწვიეთ შემდეგ ბმულს: https://rs.ge/Meetingsspace