ა(ა)იპ „საქართველოს აუდიტორთა, ბუღალტერთა და ფინანსურ მენეჯერთა პროფესიულმა ფედერაციამ“ (ს/კ: 404921670) 2026 წლის 23 ივნისს განცხადებით მიმართა სამსახურს ფულის გათეთრებისა და ტერორიზმის დაფინანსების აღკვეთის ხელშეწყობის მიმართულებით განგრძობითი განათლების მომსახურების მიმწოდებლად აღიარებისა და განგრძობითი განათლების სასწავლო კურსის პროგრამის შეთანხმების მოთხოვნით.
განცხადების განხილვის შედეგად, 2026 წლის 30 ივნისს სამსახურმა გამოსცა N408 ბრძანება, რომლითაც ა(ა)იპ „საქართველოს აუდიტორთა, ბუღალტერთა და ფინანსურ მენეჯერთა პროფესიული ფედერაცია“ 2026 კალენდარული წლისთვის ფულის გათეთრებისა და ტერორიზმის დაფინანსების აღკვეთის ხელშეწყობის მიმართულებით განგრძობითი განათლების მომსახურების მიმწოდებლად აღიარა, ხოლო მის მიერ წარმოდგენილი სასწავლო კურსის პროგრამა შეითანხმა.
სამსახურთან შეთანხმებულ სასწავლო კურსს მიენიჭა ნომერი – SARAS-AMLCFTCPD-09/26. ა(ა)იპ „საქართველოს აუდიტორთა, ბუღალტერთა და ფინანსურ მენეჯერთა პროფესიული ფედერაცია“ აღნიშნულ პროგრამას საჯაროდ განათავსებს.