მიმდინარე წლის 3 ივლისს განხორციელდა ცვლილებები სათამაშო ბიზნესის მარეგულირებელ  კანონმდებლობაში, რომლითაც შემოღებულ იქნა ნებართვის ახალი სახეები და თითოეულისთვის განისაზღვრა სანებართვო მოსაკრებელი. კერძოდ:

• სისტემურ-ელექტრონული ფორმით სამორინის თამაშობების საერთაშორისო ორგანიზების ნებართვა;
• სისტემურ-ელექტრონული ფორმით სათამაშო აპარატების თამაშობების საერთაშორისო ორგანიზების ნებართვა;
• სისტემურ-ელექტრონული ფორმით საერთაშორისო ორგანიზების ნებართვა.

თითოეული სახის ნებართვისთვის (რომელიც გაიცემა 5 წლის ვადით), დაწესდა სანებართვო მოსაკრებელი  წელიწადში 100 000 ლარის ოდენობით.

სრულად განხორციელებული ცვლილებები იხილეთ შემდეგ ბმულებზე:

N 1822-Vმს-XIმპ – 25/06/2026 – „ლატარიების, აზარტული და მომგებიანი თამაშობების მოწყობის შესახებ“ საქართველოს კანონში ცვლილების შეტანის თაობაზე

N 1823-Vმს-XIმპ – 25/06/2026 – „ლიცენზიებისა და ნებართვების შესახებ“ საქართველოს კანონში ცვლილების შეტანის თაობაზე

N 1824-Vმს-XIმპ – 25/06/2026 – „სალიცენზიო და სანებართვო მოსაკრებლების შესახებ“ საქართველოს კანონში ცვლილების შეტანის თაობაზე

N 1825-Vმს-XIმპ – 25/06/2026 – „სათამაშო ბიზნესის მოსაკრებლის შესახებ“ საქართველოს კანონში ცვლილების შეტანის თაობაზე