ივნისში გლობალურ ბაზრებზე დაფიქსირებულ მერყეობას, საპენსიო ფონდის პორტფელების ჭრილში, ადგილობრივი ფიქსირებული შემოსავლის ინსტრუმენტების სტაბილური მომგებიანობა აბალანსებდა. შედეგად, თვის განმავლობაში, პორტფელებმა შერეული შედეგები დააფიქსირეს, რასაც პორტფელებს შორის საერთაშორისო და ადგილობრივი ინსტრუმენტების განსხვავებული წილი განსაზღვრავდა.
აღნიშნულის გათვალისწინებით, ივნისში ყველაზე მაღალი, 0.47%-იანი ზრდა კონსერვატიულმა პორტფელმა აჩვენა. დაბალანსებული პორტფელი 0.03%-ით გაიზარდა, ხოლო დინამიკური პორტფელი 0.40%-ით შემცირდა.
ივნისის სუსტი შედეგის მიუხედავად, დინამიკური პორტფელი 2026 წლის პირველ ნახევარში ნომინალური მომგებიანობის კუთხით ლიდერობს:
🔹დინამიკური – 8.56% (რეალური ამონაგები ინფლაციის გათვალისწინებით: 4.06%)
🔹დაბალანსებული – 7.48% (რეალური: 3.02%)
🔹კონსერვატიული – 6.41% (რეალური: 2.00%)
აღსანიშნავია, რომ დინამიკური პორტფელი შექმნის დღიდან მიღებული ნომინალური შემოსავლიანობითაც აგრძელებს ლიდერობას და მისი გაწლიურებული ამონაგები 14.88%-ს (რეალური: 10.31%) შეადგენს. დაბალანსებული და კონსერვატიული პორტფელების შემთხვევაში შესაბამისი მაჩვენებლები 13.49% (რეალური: 8.98%) და 10.35%-ია (რეალური: 4.33%).
ივნისის ბოლოსთვის საქართველოს საპენსიო ფონდის აქტივებმა 9.6 მილიარდ ლარს მიაღწია, ხოლო დაგენერირებულმა ამონაგებმა 2.7 მილიარდ ლარს გადააჭარბა.
ფონდის აქტივების, საინვესტიციო პორტფელების განაწილებისა და შედეგების დეტალური მიმოხილვისთვის, გთხოვთ ეწვიოთ ჩვენს ინტერაქტიულ ანგარიშებს
სრული ყოველთვიური საინვესტიციო ანგარიშების სანახავად, გთხოვთ ეწვიოთ ბმულს.