2025 წლის 1 დეკემბერს, თბილისში, სასტუმრო ჰილტონ გარდენ ინნ თბილისში, საქართველოს სტატისტიკის ეროვნული სამსახურისა და აზიის განვითარების ბანკის (ADB) ორგანიზებით საერთაშორისო ფორუმი – „შრომის ბაზრის საინფორმაციო სისტემების გაძლიერება სწრაფი ცვლილებების სამყაროში“ ჩატარდა. მონაწილეებს სიტყვით საქსტატის აღმასრულებელი დირექტორის მოადგილემ პაატა შავიშვილმა მიმართა.
ფორუმის მიზანს წარმოადგენდა სტატისტიკის ეროვნული სამსახურების, საერთაშორისო ორგანიზაციების, სამთავრობო და სხვა დაინტერესებული უწყებების წარმომადგენლების მიერ შრომის ბაზრის თანამედროვე საინფორმაციო სისტემების განვითარების საჭიროებების და აზიის განვითარების ბანკთან (ADB) თანამშრომლობით ჩატარებული, სამუშაოსთან დაკავშირებული უნარების გამოკვლევის შედეგების განხილვა.
შეხვედრის დროს, ასევე განხილულ იქნა ინოვაციური ტექნოლოგიების გამოყენება და თანამედროვე სტრატეგიები, რომლებიც ხელს უწყობს შრომის ბაზრის საინფორმაციო სისტემების გაუმჯობესებას.
შეხვედრა პანელური დისკუსიების ფორმატში მიმდინარეობდა და მასში საქსტატის, სამთავრობო უწყებებისა და საერთაშორისო ორგანიზაციების წარმომადგენლები მონაწილეობდნენ.