OECD-ის წევრი ქვეყნების 2025 წლის მონაცემებთან შედარებით, საქართველოს საპენსიო ფონდის სამივე პორტფელი ნომინალური და რეალური ამონაგების (ინფლაციის გათვალისწინებით) მიხედვით მოწინავე პოზიციებს იკავებს.

განსაკუთრებით აღსანიშნავია დინამიკური პორტფელი, რომლის რეალურმა ამონაგებმა 10.8% შეადგინა. ამ შედეგით, დინამიკური პორტფელი OECD-ის წევრ ქვეყნებს შორის მეოთხე ადგილზეა. დინამიკური პორტფელის მაღალ მომგებიანობას მნიშვნელოვნად შეუწყო ხელი საერთაშორისო აქციების ბაზრების ძლიერმა შედეგებმა.

საქართველოს საპენსიო ფონდის 2025 წლის სრულ წლიურ საინვესტიციო ანგარიშს გაეცანით ქვემოთ მოცემულ ბმულზე.

შენიშვნა: საქართველოს საპენსიო ფონდის წლიურ საინვესტიციო ანგარიშში პორტფელების მომგებიანობა დათვლილია დროში შეწონილი ამონაგების (Time-Weighted Return) მეთოდით, ხოლო საერთაშორისო შედარებისთვის OECD-ის მიერ განსაზღვრული ერთიანი მეთოდოლოგია გამოიყენება. OECD-ის მეთოდოლოგიით, კონსერვატიული პორტფელის ნომინალურმა ამონაგებმა 11.1%, ხოლო რეალურმა ამონაგებმა 6.8% შეადგინა; დაბალანსებული პორტფელისთვის აღნიშნული მაჩვენებლები, შესაბამისად, 12.8% და 8.5% იყო, ხოლო დინამიკური პორტფელისთვის – 17.5% და 13.0%.