Homeააფ-ნიუსებისამსახურმა (SARAS) ანგარიშგების მიმართულებით საინფორმაციო შეხვედრების ციკლი დაასრულა

სამსახურმა (SARAS) ანგარიშგების მიმართულებით საინფორმაციო შეხვედრების ციკლი დაასრულა

Published on

spot_img

ბუღალტრული აღრიცხვის, ანგარიშგებისა და აუდიტის ზედამხედველობის სამსახურმა (SARAS) ანგარიშგების მიმართულებით საინფორმაციო შეხვედრების ციკლი დაასრულა.

შეხვედრების ჩატარების ლოკაციები ბუღალტრებისა და საწარმოების წარმომადგენლების მონაწილეობით ჩატარებული წინასწარი გამოკითხვის შედეგების საფუძველზე განისაზღვრა. ციკლის ფარგლებში შეხვედრები გაიმართა ბათუმში, ოზურგეთში, ზუგდიდში, ქუთაისში, თელავში, გორში, ახალციხესა და თბილისში.

შეხვედრები განკუთვნილი იყო მესამე და მეოთხე კატეგორიის საწარმოების წარმომადგენლებისთვის, ბუღალტრებისა და ანგარიშგების მიმართულებით დაინტერესებული პირებისთვის.

ღონისძიებების ფარგლებში სამსახურის (SARAS) წარმომადგენლებმა მონაწილეებს გააცნეს ფინანსური ანგარიშგების წარდგენის პროცესი, მისი ძირითადი ეტაპები, პრაქტიკაში ხშირად გამოვლენილი შეცდომები და შესაბამისი რეკომენდაციები.

რეგიონებში გამართულ შეხვედრებზე, ანგარიშგების წარდგენის საკითხებთან ერთად, ყურადღება გამახვილდა საქართველოში არსებულ სავაჭრო და ალტერნატიული დაფინანსების ინსტრუმენტებზე, საბანკო პროდუქტების ეფექტიან შერჩევაზე, სტრატეგიული ფინანსური კონსულტაციისა და Excel-ზე დაფუძნებული ანალიტიკური ინსტრუმენტების პრაქტიკული გამოყენების საკითხებზე.

ციკლის დასკვნითი შეხვედრა 16 ივლისს თბილისში, საქართველოს ფინანსთა სამინისტროს შენობაში გაიმართა. შეხვედრა 2025 წლის საანგარიშგებო პერიოდის ანგარიშგების წარდგენის პროცესთან დაკავშირებულ პრაქტიკულ საკითხებს დაეთმო. ღონისძიების ფარგლებში განხილული იყო ანგარიშგების წარდგენის ძირითადი ეტაპები, პროგრამული საკითხები, პრაქტიკაში ხშირად დაშვებული შეცდომები, ანგარიშგების წარდგენასთან დაკავშირებული აქტუალური სამართლებრივი საკითხები და ხარისხიანი ფინანსური ანგარიშგების მომზადების პრაქტიკული ასპექტები.

თბილისში გამართულ შეხვედრაზე განსაკუთრებული ყურადღება დაეთმო მსს ფასს-ისა და მეოთხე კატეგორიის სტანდარტების პრაქტიკული გამოყენების საკითხებს, რაც მცირე, საშუალო და მიკრო საწარმოებს სტანდარტებთან შესაბამისი, მაღალი ხარისხის ფინანსური ანგარიშგებების მომზადებასა და წარდგენაში დაეხმარება.
შეხვედრები ინტერაქციულ ფორმატში წარიმართა. მონაწილეებს შესაძლებლობა ჰქონდათ, მათთვის მნიშვნელოვანი პრაქტიკული საკითხები სამსახურის (SARAS) წარმომადგენლებთან ერთად განეხილათ და მიეღოთ პასუხები მათთვის საინტერესო კითხვებზე.

საინფორმაციო შეხვედრების ციკლი მიზნად ისახავდა ანგარიშგების წარდგენის პროცესთან დაკავშირებული ცნობიერების ამაღლებას, პრაქტიკაში ხშირად დაშვებული შეცდომების შემცირებასა და წარდგენილი ფინანსური ანგარიშგებების ხარისხის გაუმჯობესების ხელშეწყობას.
რეგიონებში გამართული შეხვედრები რეგიონებში მცირე და საშუალო საწარმოების განვითარების პროექტის (RSMEDP) მხარდაჭერით ჩატარდა.

შეგახსენებთ, რომ 2025 წლის საანგარიშგებო პერიოდის ანგარიშგებების წარდგენის პროცესი მიმდინარეობს და სუბიექტებს ანგარიშგებების წარდგენა შეუძლიათ ანგარიშგების პორტალის – www.reportal.ge – მეშვეობით. 

ბოლო ამბები

გაცვლითი კურსი

საქართველოს ეროვნულმა ბანკმა 21-24 ნოემბრის ოფიციალური გაცვლითი კურსი გამოაქვეყნა...

სამსახურმა აზერბაიჯანის რესპუბლიკის აუდიტორთა პალატის დელეგაციას უმასპინძლა

ვიზიტი მიზნად ისახავდა ორ უწყებას შორის პროფესიული თანამშრომლობის გაძლიერებასა და აუდიტის ხარისხის ზედამხედველობის, მარეგულირებელი ჩარჩოსა და საზედამხედველო მეთოდოლოგიების მიმართულებით პრაქტიკული გამოცდილების გაცვლას...

სამრეწველო პროდუქციის მწარმოებელთა ფასების ინდექსი საქართველოში – 2026 წლის ოქტომბერი

2026 წლის ოქტომბერში სამრეწველო პროდუქციის მწარმოებელთა ფასების ინდექსი წინა თვესთან შედარებით 0.04 პროცენტით შემცირდა, ხოლო წინა წლის შესაბამის თვესთან შედარებით სახეზეა ინდექსის 3.5 პროცენტიანი მატება...

გაცვლითი კურსი

საქართველოს ეროვნულმა ბანკმა 20 ნოემბრის ოფიციალური გაცვლითი კურსი გამოაქვეყნა...

ბოლო ამბები

გაცვლითი კურსი

საქართველოს ეროვნულმა ბანკმა 21-24 ნოემბრის ოფიციალური გაცვლითი კურსი გამოაქვეყნა...

სამსახურმა აზერბაიჯანის რესპუბლიკის აუდიტორთა პალატის დელეგაციას უმასპინძლა

ვიზიტი მიზნად ისახავდა ორ უწყებას შორის პროფესიული თანამშრომლობის გაძლიერებასა და აუდიტის ხარისხის ზედამხედველობის, მარეგულირებელი ჩარჩოსა და საზედამხედველო მეთოდოლოგიების მიმართულებით პრაქტიკული გამოცდილების გაცვლას...

სამრეწველო პროდუქციის მწარმოებელთა ფასების ინდექსი საქართველოში – 2026 წლის ოქტომბერი

2026 წლის ოქტომბერში სამრეწველო პროდუქციის მწარმოებელთა ფასების ინდექსი წინა თვესთან შედარებით 0.04 პროცენტით შემცირდა, ხოლო წინა წლის შესაბამის თვესთან შედარებით სახეზეა ინდექსის 3.5 პროცენტიანი მატება...