ფინანსთა სამინისტროს შემოსავლების სამსახურმა უზბეკეთის რესპუბლიკის საგადასახადო ადმინისტრაციის დელეგაციის წევრებს უმასპინძლა.
ვიზიტის მიზანია უწყების მიერ დანერგილი საგადასახადო პროცესების გაციფრულების გაცნობა და ამ მიმართულებით წარმატებული გამოცდილების გაზიარება.
ვიზიტის ფარგლებში, უზბეკეთის საგადასახადო ადმინისტრაციის წარმომადგენლებმა სამუშაო შეხვედრები გამართეს შემოსავლების სამსახურის სხვადასხვა დეპარტამენტის წარმომადგენლებთან დღგ-ის ავტომატური დაბრუნების სისტემის დანერგვასთან დაკავშირებით, ასევე კანონშესაბამისობისა და საგადასახადო დავალიანების მართვის შესახებ მომზადებული პრეზენტაციები მოისმინეს.
შეხვედრის დასრულების შემდეგ, ორივე მხარემ გამოხატა მზადყოფნა მომავალშიც აქტიურად ითანამშრომლონ.