„ფულის გათეთრებისა და ტერორიზმის დაფინანსების აღკვეთის ხელშეწყობის შესახებ“ საქართველოს კანონის მიზნებისთვის, სამსახურის მიმართ ყველა ანგარიშვალდებულ პირს ევალება ML/TF რისკის ზედამხედველობის ანგარიშგება წარუდგინოს სამსახურს (SARAS) არაუგვიანეს 2026 წლის 31 იანვრისა. ანგარიშგება მოიცავს 2025 წლის 1 მარტიდან 31 დეკემბრის ჩათვლით საანგარიშგებო პერიოდს, რომლის შევსება ხდება ანგარიშვალდებული პირის საკუთარი რეესტრის გვერდიდან, ML/TF ანგარიშგების ფორმების ჩანართის მეშვეობით.
ანგარიშვალდებული პირები არიან: სერტიფიცირებული ბუღალტერები, პროფესიული მომსახურების გამწევი ბუღალტერები და აუდიტორები, რომლებიც დამოუკიდებლად ახორციელებენ პროფესიულ საქმიანობას, ასევე საბუღალტრო და აუდიტორული ფირმები.
ანგარიშგების შევსებისა და წარდგენის წესი დამტკიცებულია სამსახურის უფროსის 2024 წლის 9 დეკემბრის N ნ-16 ბრძანებით – „ანგარიშვალდებული პირის ფულის გათეთრებისა და ტერორიზმის დაფინანსების რისკის ზედამხედველობის ანგარიშგების ფორმების შევსებისა და წარდგენის წესი“.
გთხოვთ, გაითვალისწინოთ, რომ ML/TF რისკის ზედამხედველობის ანგარიშგების წარუდგენლობა, არასრულად ან დაგვიანებით წარდგენა წარმოადგენს „ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონით გათვალისწინებული პასუხისმგებლობის საფუძველს.
ML/TF ანგარიშგების შევსების წესებთან და პროცედურებთან დაკავშირებით, ანგარიშვალდებულ პირთა ინფორმირების მიზნით, სამსახური (SARAS) 12 დეკემბერს, 15:00 საათზე ონლაინ საინფორმაციო შეხვედრას გამართავს.
ღონისძიებაზე დასასწრებად, გთხოვთ, შეავსოთ სარეგისტრაციო ფორმა.
იხილეთ ML/TF რისკის ზედამხედველობის ანგარიშგების შევსებისა და გაგზავნის შესახებ ვიდეო ინსტრუქცია.