ანგარიშგების პორტალზე (https://rms.reportal.ge/rmsfiles) ხელმისაწვდომი გახდა 2024 წლის საანგარიშგებო პერიოდის ციფრული ბაზები. პორტალი უზრუნველყოფს დაინტერესებული პირებისთვის საწარმოების მიერ წარდგენილი და გასაჯაროებული ფინანსური ანგარიშგებების ციფრულ ბაზებზე წვდომას.
ციფრული ბაზების გამოთხოვის მიზნით, ნებისმიერ დაინტერესებულ პირს შეუძლია ანგარიშგების პორტალზე გაიაროს რეგისტრაცია ან/და ავტორიზაცია, რის შემდეგაც შეძლებს საწარმოების ფინანსური ანგარიშგებების ციფრული ბაზების მოთხოვნას. მიღებული ინფორმაცია შესაძლებელია გამოყენებულ იქნეს ანალიტიკური და სტატისტიკური მიზნებისთვის.
ამასთან, სამსახური შეახსენებს ანგარიშვალდებულ სუბიექტებს, რომ ფინანსური ანგარიშგებების წარდგენისა და გასაჯაროების პროცესი უწყვეტად მიმდინარეობს. ანგარიშვალდებულმა პირებმა ფინანსური ანგარიშგებები უნდა წარმოადგინონ დაუყოვნებლივ, ხელმისაწვდომობისთანავე, ანგარიშგების პორტალზე (rms.reportal.ge).