მიმდინარე წლის 17 სექტემბერს ცვლილება განხორციელდა საქართველოს ფინანსთა მინისტრის 2010 წლის 31 დეკემბრის N996 „გადასახადების ადმინისტრირების შესახებ“ და N994 „მიმდინარე კონტროლის პროცედურების ჩატარების, სასაქონლო-მატერიალურ ფასეულობათა ჩამოწერის, აღიარებული საგადასახადო დავალიანების დაფარვის, საგადასახადო დავალიანების გადახდევინების უზრუნველყოფის ღონისძიებების განხორციელების, სამართალდარღვევათა საქმისწარმოების წესის დამტკიცების თაობაზე“ ბრძანებებში
ცვლილების თანახმად აქციზური მარკების ჩამოწერის არსებული წესი, გავრცელდა იმპორტისთვის განკუთვნილი აქციზური მარკებით ნიშანდებულ ჩამოსაწერ საქონელზეც. კერძოდ, თუ ხდება აქციზური მარკით ნიშანდებული აქციზური საქონელის ჩამოწერა, რომლის აქციზით დაბეგვრის მომენტი (საქონლის მიწოდება/საწარმოს საწყობიდან სარეალიზაციოდ გატანა ან იმპორტი) არ დამდგარა, გამოყენებული აქციზური მარკები ჩაითვლება უტილიზებულად და არ დაექვემდებარება აქციზით დაბეგვრას, ამ მიზნით ელექტრონულად წარსადგენ განცხადებაში „ვადაგასული ან/და უვარგისი სასაქონლო-მატერიალური ფასეულობის ჩამოწერის დოკუმენტის დადასტურება“, არსებული მოსანიშნი ღილაკის დასახელებაში „მწარმოებლის მიერ საქართველოში წარმოებული აქციზური მარკით ნიშანდებული აქციზური ნაწარმის ჩამოწერა“ შესაბამისი ცვლილება განხორციელდება.
ამასთან ცვლილების შესაბამისად თუ ადგილი აქვს აქციზით დაბეგრილი აქციზური მარკით ნიშანდებული როგორც ადგილობრივი, ასევე იმპორტირებული აქციზური საქონლის ჩამოწერას, ამ საქონელზე გადახდილი აქციზი ექვემდებარება დაბრუნებას აქციზის დეკლარაციის წარდგენის გზით. აღნიშნულიდან გამომდინარე შესაბამისი ცვლილებები განხორციელდება აქციზის დეკლარაციის III განაყოფის 7 და 71 სტრიქონებში.
ცვლილების სანახავად ეწვიეთ ბმულებს