ფინანსთა სამინისტროს შემოსავლების სამსახურის საბაჟო დეპარტამენტის წარმომადგენლებმა მონაწილეობა მიიღეს სწავლებაში, რომელიც უკანონო ვაჭრობის წინააღმდეგ ბრძოლასა და ინტელექტუალური საკუთრების დაცვის გაძლიერებას მიეძღვნა.
სწავლების ფარგლებში, მოწვეული საერთაშორისო ექსპერტების ჩართულობით, მებაჟე ოფიცრებს შესაძლებლობა მიეცათ, გაცნობოდნენ საავტორო უფლების მფლობელების მიერ მოწოდებულ უახლეს ინფორმაციას და გამოწვევებს, კონკრეტული პროდუქციის ტექნიკური მახასიათებლების შესახებ, რაც მომავალში პროდუქტის/საქონლის იდენტურობის დადგენის პროცესს კიდევ უფრო ეფექტურს გახდის. ინტელექტუალური საკუთრების უფლებების დაცვა და უკანონო ვაჭრობის წინააღმდეგ ბრძოლა წარმოადგენს საერთაშორისო ვაჭრობის ხელშეწყობის ერთ-ერთ ძირითად მექანიზმს, რომელშიც საბაჟო დეპარტამენტის ჩართულობა უმნიშვნელოვანესია.
მსგავსი სწავლება მიზნად ისახავს საბაჟო დეპარტამენტის თანამშრომლების კვალიფიკაციის ამაღლებას და საჭირო პრაქტიკული უნარ-ჩვევების განვითარებას.


