ფინანსთა სამინისტროს შემოსავლების სამსახურის მეთოდოლოგიის დეპარტამენტის წარმომადგენლებმა საგადასახადო მიმართულებით განხორციელებული სიახლეებისა და აქტუალური საკითხების გაცნობის მიზნით, მეწარმე სუბიექტებთან ონლაინ ფორმატში საინფორმაციო შეხვედრა გაიმართა.
აღნიშნული შეხვედრის ფარგლებში დაინტერესებულ პირებს შესაძლებლობა ჰქონდათ გაცნობოდნენ ისეთ საკითხებს, როგორებიცაა:
- ფიზიკური პირების ქონების გადასახადის წესში განხორციელებული ცვლილებები;
- აქციზური მარკით ნიშანდებული აქციზური საქონლის ჩამოწერის წესში შეტანილი ცვლილება;
- ავანსისა და კორექტირების საგადასახადო ანგარიშ-ფაქტურების სავალდებულო დადასტურების წესის შემოღება.
ონლაინ ფორმატში გამართულ შეხვედრას 350-მდე მონაწილე ესწრებოდა. მიზნობრივ ჯგუფებთან შეხვედრების გამართვა ითვალისწინებს გადასახადის გადამხდელებთან მუდმივ კომუნიკაციას და საგადასახადო/საბაჟო კანონმდებლობით გათვალისწინებული სიახლეების შესახებ მათ დროულ ინფორმირებას.


