ფინანსთა სამინისტროს შემოსავლების სამსახურის მეთოდოლოგიის დეპარტამენტის წარმომადგენლებმა გადასახადის გადამხდელებთან ფიზიკური პირისგან საქონლის შესყიდვის ახალი ელექტრონული აქტის აღრიცხვის წესისა და პირობების შესახებ ონლაინ ფორმატში შეხვედრა გამართეს.
საინფორმაციო შეხვედრის ფარგლებში, დაინტერესებულ პირებთან განხილულ იქნა შემდეგი საკითხები:
- ფიზიკური პირისგან საქონლის შესყიდვის აღრიცხვის წესში განხორციელებული ცვლილება;
- ავანსის და კორექტირების საგადასახადო ანგარიშ-ფაქტურების სავალდებულო დადასტურების წესის შემოღება;
- კორექტირებული საგადასახადო ანგარიშ-ფაქტურის ფორმის ცვლილება.
ონლაინ ფორმატში გამართულ შეხვედრას 400 – მდე გადასახადის გადამხდელი და დაინტერესებული პირი ესწრებოდა. საკითხის მიმართ მაღალი ინტერესის გათვალისწინებით, აღნიშნულ თემაზე შეხვედრები აქტიურ რეჟიმში მომავალშიც გაგრძელდება.
ინფორმაცია მომდევნო შეხვედრების შესახებ განთავსდება შემოსავლების სამსახურის ვებგვერდზე არსებულ ელექტრონულ პორტალზე.
– https://www.rs.ge/Meetingsspace – “შეხვედრების სივრცე”.


