შეხვედრის მიზანია ანგარიშვალდებული პირების ინფორმირება ML/TF რისკის ზედამხედველობის ანგარიშგების შევსებისა და წარდგენის წესების, შესაბამისი პროცედურებისა და საკანონმდებლო მოთხოვნების შესახებ.
„ფულის გათეთრებისა და ტერორიზმის დაფინანსების აღკვეთის ხელშეწყობის შესახებ“ საქართველოს კანონის შესაბამისად, სამსახურის ზედამხედველობას დაქვემდებარებული ყველა ანგარიშვალდებული პირი ვალდებულია, 2026 წლის 1 იანვრიდან 31 დეკემბრის ჩათვლით საანგარიშგებო პერიოდის ML/TF რისკის ზედამხედველობის ანგარიშგება სამსახურს წარუდგინოს არაუგვიანეს 2027 წლის 31 იანვრისა.
აღნიშნული ვალდებულება ვრცელდება სერტიფიცირებულ ბუღალტრებზე, პროფესიული მომსახურების გამწევ ბუღალტრებსა და აუდიტორებზე, რომლებიც დამოუკიდებლად ახორციელებენ პროფესიულ საქმიანობას, აგრეთვე საბუღალტრო და აუდიტორულ ფირმებზე.
ანგარიშგების შევსება და წარდგენა ხორციელდება ანგარიშვალდებული პირის რეესტრის გვერდიდან, „ML/TF ანგარიშგების ფორმების“ ჩანართის მეშვეობით. ანგარიშგების ფორმების შევსებისა და წარდგენის წესი დამტკიცებულია სამსახურის უფროსის 2024 წლის 9 დეკემბრის №ნ-16 ბრძანებით.
სამსახური შეახსენებს ანგარიშვალდებულ პირებს, რომ ML/TF რისკის ზედამხედველობის ანგარიშგების წარუდგენლობა, არასრულად ან დადგენილი ვადის დარღვევით წარდგენა წარმოადგენს „ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონით გათვალისწინებული პასუხისმგებლობის საფუძველს.
ონლაინ საინფორმაციო შეხვედრაში მონაწილეობის მისაღებად დაინტერესებულმა პირებმა უნდა შეავსონ სარეგისტრაციო ფორმა


