მიმოხილვაში ქვეყნის საბანკო და საფინანსო სექტორებში არსებული მდგომარეობისა და მაკროეკონომიკური პარამეტრების დეტალურ ანალიზს გაეცნობით. გამოცემის მიზანია ფართო საზოგადოებას ქვეყნის მოკლევადიანი (ერთთვიანი) მაკროეკონომიკური ანალიზი ოპერატიულად მიაწოდოს. ანგარიშში წარმოდგენილი ანალიზი ამ ეტაპზე არსებულ უახლესს ინფორმაციას ეყრდნობა.
ძირითადი ტენდენციები
ინფლაცია
- დეკემბერში წლიურმა ინფლაციამ შენელება განარგძო და 4.0% შეადგინა, ხოლო ნოემბერთან შედარებით ფასები 0.2%-ით შემცირდა
- საბაზო ინფლაცია, რომელიც სამომხმარებლო კალათიდან მაღალი მერყეობით გამორჩეულ სურსათის, ენერგომატარებლების და სიგარეტის ფასებს გამორიცხავს, 2025 წელს სტაბილური იყო. დეკემბერში საბაზო ინფლაციამ 1.6% შეადგინა
- მომსახურების ინფლაცია მიზნობრივზე დაბალ დონეზე ნარჩუნდება და დეკემბერში 2.5%-ს გაუტოლდა
საბანკო სექტორი
- ნოემბერში გაცვლითი კურსის ეფექტის გამორიცხვით, სესხების ზრდის ტემპმა წინა თვესთან შედარებით 1 პპ-ით მოიმატა და წლიურმა მაჩვენებელმა 13.8% შეადგინა
- დეპოზიტების დოლარიზაცია ნოემბერში 0.7 პპ-ით შემცირდა და 47.9% შეადგინა
- მთლიანი საკრედიტო პორტფელის დოლარიზაცია უცვლელია და 41.8%-ის დონეზეა
საგარეო სექტორი
- იმპორტი – ნოემბერში საქონლის იმპორტი წლიურ ჭრილში 1.2%-ით შემცირდა. შემცირების მიმართულებით ძირითადად შუალედური მოხმარების საქონლის იმპორტი მოქმედებდა, -1.4 პპ წვლილით
- ექსპორტი – ნოემბერში საქონლის რეგისტრირებული ექსპორტი წლიურად 44.2%-ით გაიზარდა და 782.3 მლნ აშშ დოლარს გაუტოლდა. ექსპორტის ზრდა განპირობებული იყო სამომხმარებლო საქონლის (33.0 პპ კონტრიბუციით) ექსპორტის ზრდით
გამოცემის ნახვა შესაძლებელია ეროვნული ბანკის ოფიციალურ ვებგვერდზე “პუბლიკაციების” რუბრიკაში.