დამტკიცდა საქართველოს მთავრობის 2025 წლის 31 დეკემბრის N652 დადგენილება, რომლითაც განისაზღვრა საგარეო-ეკონომიკური საქმიანობის ეროვნული სასაქონლო ნომენკლატურის 2402 20 კოდში მითითებული ყოველწლიურად 35 მილიონ კოლოფამდე/შეფუთვამდე ადგილობრივი წარმოების სიგარეტისთვის გათვალისწინებული აქციზის განაკვეთის გამოყენების წესი და პირობები, აგრეთვე კვოტირების წესი.
მთავრობის დადგენილების შემუშავება განპირობებულია „საქართველოს საგადასახადო კოდექსში ცვლილების შეტანის შესახებ“ 2025 წლის 26 ნოემბრის N1114-IVმს-XIმპ საქართველოს კანონით სსკ-ის 188-ე მუხლში განხორციელებული ცვლილებიდან გამომდინარე, რომლის თანახმად, სეს ესნ 2402 20 კოდში მითითებული ადგილობრივი წარმოების სიგარეტებზე ყოველწლიურად 35 მილიონ კოლოფამდე/შეფუთვამდე აქციზის განაკვეთი განისაზღვრა 20 ღერზე 1.3 ლარის ოდენობით (ნაცვლად 2.75 ლარისა).
საქართველოს მთავრობის N652 დადგენილებით განისაზღვრა:
- პირობები, რომელსაც უნდა აკმაყოფილებდეს თამბაქოს მწარმოებელი კვოტის მიღებისათვის;
- პროცედურა და ვადები, რომლის დაცვითაც განხორციელდება თამბაქოს მწარმოებლისთვის კვოტის გამოყოფა;
- კვოტის განაწილებაზე უფლებამოსილი პირი – საგადასახადო ორგანო;
- კვოტის განაწილების წესი, კერძოდ: ყოველწლიური კვოტა ნაწილდება 4 თანაბარ ლოტად შესაბამისი პერიოდულობით. თითოეული ლოტის ფარგლებში, კვოტის გამოყოფა ხდება პირის მიერ წარმოდგენილი განცხადების ვადის წინა 3 კალენდარული თვის ფარგლებში პირის მიერ განხორციელებული, აქციზით დასაბეგრი ოპერაციების მოცულობაში (კოლოფი/შეფუთვა) თითოეული ლიცენზიის მფლობელის მიერ აქციზით დასაბეგრი ოპერაციების (კოლოფი/შეფუთვა) პროცენტული წილის პროპორციულად.
ამასთან, I ლოტის ფარგლებში, 2026 წლის ყოველწლიური კვოტიდან სიგარეტის კვოტის გამოყოფის თაობაზე თამბაქოს მწარმოებელი უფლებამოსილია, საგადასახადო ორგანოს განცხადებით მიმართოს 2026 წლის 1 თებერვლამდე, ხოლო განაწილებული კვოტა ძალაში იქნება 2026 წლის 1 იანვრიდან.
საქართველოს მთავრობის N652 დადგენილება დეტალურად იხილეთ ბმულზე.