Amazon-მა ოფიციალურად განაცხადა, რომ ილონ მასკის Starlink-ის კონკურენტი Amazon Leo 2026 წლის შუა პერიოდში ამოქმედდება. აღმასრულებელმა დირექტორმა ენდი ჯასიმ აქციონერებისთვის მიწერილ წერილში აღნიშნა, რომ კომპანია „Leo-ს გაშვების ზღვარზეა“ და უკვე მიღებული აქვს შემოსავლების გარანტიები საწარმოებისა და მთავრობებისგან.
პროექტი თავდაპირველად 2019 წელს Project Kuiper-ის სახელით დაიწყო. დღეს Amazon-ის თანამგზავრები დედამიწის დაბალ ორბიტაზე უკვე 200 ერთეულს შეადგენს, ხოლო ჯასის თქმით, მომდევნო წლებში მათ „კიდევ რამდენიმე ათასი“ დაემატება.
მიუხედავად ამისა, Leo საგრძნობლად ჩამორჩება SpaceX-ის Starlink-ს, რომელსაც უკვე თითქმის 10 000 თანამგზავრი ჰყავს და მომავალში 42 000-მდე აპარატის განთავსებას გეგმავს.
ჯასის განცხადებით, Delta Air Lines-მა Leo-ს თავის მომავალ ბორტგარეშე Wi-Fi პროვაიდერად დაასახელა და 2028 წლიდან მას 500 თვითმფრინავზე გამოიყენებს. Delta შეუერთდება სხვა მომხმარებლებს, როგორებიც არიან JetBlue, AT&T, Vodafone, DIRECTV Latin America, ავსტრალიის ეროვნული ფართოზოლოვანი ქსელი, NASA და სხვები.
Amazon-ის გეგმებს აფერხებს კონკურენტების რაკეტებზე დამოკიდებულება თანამგზავრების გაშვებისას. თუმცა გამოცხადდა, რომ 2027 წლიდან ამ პასუხისმგებლობას ჯეფ ბეზოსის კომპანია Blue Origin-ი იკისრებს.
მოსალოდნელია, რომ Amazon-სა და SpaceX-ს შორის კონკურენცია კომერციული კოსმოსური ინდუსტრიის მომდევნო ათწლეულებს განსაზღვრავს. როგორც ბეზოსს, ისე მასკს სურთ ორბიტაზე მონაცემთა ცენტრების შექმნან. მათ ასევე უნდათ, კოსმოსში ფრენა ისეთივე ჩვეულებრივი იყოს, როგორც თვითმფრინავით მგზავრობა. ამ სფეროში ბეზოსის Blue Origin-ს მეტი გამოცდილება აქვს. და ასევე კოსმოსში მოგზაურობა ჩვეულებრივ საქმედ აქციონ. ამ სფეროში ბეზოსის Blue Origin-ს მეტი გამოცდილება და შესაბამისად, უპირატესობა აქვს. ჯერჯერობით უცნობია, გახდება თუ არა Leo ისეთი წარმატებული პროექტი, როგორიც Alexa, Audible და Kindle აღმოჩნდა, თუ შეუერთდება Amazon-ის იმ წამოწყებებს, რომლებმაც ფიასკო განიცადა. ასეთებს შორის კი გამოირჩევა 2014 წელს გამოშვებული Fire ტელეფონი, რომელმაც ერთ წელზე ცოტა მეტხანს გაძლო, ან სუპერმარკეტების ქსელი Amazon Fresh-ი, რომელმაც 2025-2026 წლებში დიდ ბრიტანეთსა და აშშ-ში ყველა ფიზიკური მაღაზია დახურა.