Homeუცხოეთიმადუროს შემდეგ: ვენესუელის წიაღისეულის სექტორი უცხოელი ინვესტორების მოლოდინშია

მადუროს შემდეგ: ვენესუელის წიაღისეულის სექტორი უცხოელი ინვესტორების მოლოდინშია

Published on

spot_img

ვენესუელის ეროვნულმა ასამბლეამ სამთო-მოპოვებითი სექტორის შესახებ ახალი კანონი დაამტკიცა, რომლის მთავარი მიზანი დარგში კერძო და უცხოური ინვესტიციების მოზიდვაა. მმართველი პარტიის მიერ კონტროლირებადმა საკანონმდებლო ორგანომ აღნიშნული გადაწყვეტილება მას შემდეგ მიიღო, რაც ამერიკის შეერთებულმა შტატებმა ქვეყნის მიმართ ეკონომიკური შეზღუდვები შეამსუბუქა.

მიღებული დოკუმენტი აუქმებს 1999 და 2015 წლების რეგულაციებს და ადგილობრივ თუ საერთაშორისო კომპანიებს ოქროსა და სხვა სტრატეგიული მინერალების მოპოვების უფლებას აძლევს. კანონის თანახმად, ლიცენზიები მაქსიმუმ 30 წლის ვადით გაიცემა, თუმცა, მათი გაგრძელება ათწლიანი ინტერვალებით ორჯერ იქნება შესაძლებელი. მიუხედავად ლიბერალიზაციისა, წიაღისეულის საბადოები სახელმწიფოს საკუთრებაში რჩება, ხოლო ოქროს რეალიზაციის პროცესს ქვეყნის ცენტრალური ბანკი გააკონტროლებს. დოკუმენტი ასევე ადგენს როიალტის გადასახადს მთლიანი წარმოების ღირებულების 13%-მდე ოდენობით და დამატებით 6%-იან ბაჟს პირველადი მოპოვებითი საქმიანობისთვის.

ვაშინგტონმა საკანონმდებლო ცვლილებები დადებითად შეაფასა. აშშ-ის შინაგან საქმეთა მდივანმა, დაგ ბერგუმმა აღნიშნა, რომ ეს გადაწყვეტილება ამერიკული კომპანიებისთვის მნიშვნელოვან შესაძლებლობებს შექმნის. მისივე განცხადებით, პრეზიდენტის მოვალეობის შემსრულებელი დელსი როდრიგესი ინვესტორებს უსაფრთხოებისა და სამართლებრივი დაცვის გარანტიებს ჰპირდება. აღსანიშნავია, რომ გარდამავალი ადმინისტრაციის მიერ მართვის სადავეების გადაბარების შემდეგ, ვენესუელას ენერგეტიკული სექტორით დაინტერესებული 120-მდე პოტენციური ინვესტორი ეწვია, რომელთა უმრავლესობაც ამერიკის შეერთებულ შტატებს წარმოადგენდა. ვენესუელაში პოლიტიკური ვითარება მიმდინარე წლის იანვარში რადიკალურად შეიცვალა, როდესაც სპეცოპერაციის შედეგად პრეზიდენტი ნიკოლას მადურო დააკავეს. ამ მოვლენის შემდეგ ქვეყნის მართვა დელსი როდრიგესმა გადაიბარა, რომელიც აშშ-ის ადმინისტრაციასთან აქტიურად თანამშრომლობს ეკონომიკური კრიზისის დაძლევისა და საერთაშორისო იზოლაციიდან გამოსვლის მიზნით.

ბოლო ამბები

გაცვლითი კურსი

საქართველოს ეროვნულმა ბანკმა 21-24 ნოემბრის ოფიციალური გაცვლითი კურსი გამოაქვეყნა...

სამსახურმა აზერბაიჯანის რესპუბლიკის აუდიტორთა პალატის დელეგაციას უმასპინძლა

ვიზიტი მიზნად ისახავდა ორ უწყებას შორის პროფესიული თანამშრომლობის გაძლიერებასა და აუდიტის ხარისხის ზედამხედველობის, მარეგულირებელი ჩარჩოსა და საზედამხედველო მეთოდოლოგიების მიმართულებით პრაქტიკული გამოცდილების გაცვლას...

სამრეწველო პროდუქციის მწარმოებელთა ფასების ინდექსი საქართველოში – 2026 წლის ოქტომბერი

2026 წლის ოქტომბერში სამრეწველო პროდუქციის მწარმოებელთა ფასების ინდექსი წინა თვესთან შედარებით 0.04 პროცენტით შემცირდა, ხოლო წინა წლის შესაბამის თვესთან შედარებით სახეზეა ინდექსის 3.5 პროცენტიანი მატება...

გაცვლითი კურსი

საქართველოს ეროვნულმა ბანკმა 20 ნოემბრის ოფიციალური გაცვლითი კურსი გამოაქვეყნა...

სხვა სტატიები

Wilson-ის ევოლუცია – სპორტული იმპერია ჩიკაგოდან

ბევრს ჰგონია, რომ ეს ბრენდი თავიდანვე დიდი არენებისთვის ჩოგნებისა თუ სათამაშო ბურთების დასამზადებლად შეიქმნა. რეალობა კი სულ სხვაა: Wilson-ი ხორცის გადამამუშავებელი ქარხნის ბაზაზე დაარსდა, ხოლო სპორტული ინვენტარის წარმოება მოგვიანებით იმიტომ დაიწყო, რომ წარმოების ნარჩენები ტყუილად არ გადაეყარათ.

სავაჭრო ომის მორიგი სერია – შეერთებულმა შტატებმა ჩინურ ტექნოლოგიებს ახალი სანქციები დაუწესა

ვაშინგტონმა ჩინეთის წინააღმდეგ 2025 წლის იანვარში შემოღებული ეკონომიკური შეზღუდვები ახლახან, 2026 წლის ოქტომბერში, კიდევ უფრო გაამკაცრა. აშშ-ის ფინანსთა სამინისტრომ ახალი რეგულაციები აამოქმედა, რომლებიც ამერიკულ კომპანიებს ჩინურ მაღალტექნოლოგიურ სექტორში ინვესტიციების განხორციელებას კიდევ უფრო მკაცრად უკრძალავს.

გარიგება პუტინთან – რამ გამოიწვია აშშ-ის მიერ „გრემის კანონის“ შეჩერება

მსოფლიო ბაზარზე რუსული დიზელის საწვავის მიწოდების აღდგენის საკითხი საერთაშორისო პოლიტიკის ცენტრალურ თემად იქცა. წინასაარჩევნო პერიოდში მყოფმა თეთრმა სახლმა, შიდა ბაზარზე საწვავის ფასების კატასტროფული მატების შესაჩერებლად, მოსკოვს სანქციები ნაწილობრივ შეუმსუბუქა.