კითხვა: ჩვენს კომპანიას მიღებული აქვს ლიზინგით აპარატურა. ვალდებული ვარ დავარიცხოთ ცვეთა?

პასუხი: დიახ, უნდა დაარიცხოთ. ლიზინგით ანუ ფინანსური იჯარით მიღებული აპარატურა წარმოადგენს კომპანიის ძირითად საშუალებას (სრული ფასს-ების მიხედვით _ აქტივის გამოყენების უფლებას). ბალანსზე მისი აყვანის/აღრიცხვის შემდეგ, მას უნდა დაერიცხოს ცვეთა ჩვეულებრივი წესით, იმ თვიდან, როდესაც ექსპლუატაციაში შევიდა. მაგალითად, მსს ფასს-ის 20.12 მუხლში მითითებულია: „ფინანსური იჯარის პირობით აღებულ აქტივს მოიჯარემ ცვეთა უნდა დაარიცხოს წინამდებარე სტანდარტის შესაბამისი განყოფილების მიხედვით, რომელიც შეეხება ამ ტიპის აქტივს. მაგალითად, მე-17 განყოფილება – „ძირითადი საშუალებები“, მე-18 განყოფილება – „არამატერიალური აქტივები გუდვილის გარდა“, ან მე-19 განყოფილება – „საწარმოთა გაერთიანება და გუდვილი“.
ანალოგიურად, მეოთხე კატეგორიის საწარმოების ფინანსური ანგარიშგების სტანდარტის 10.7 მუხლში აღნიშნულია:
„10.7. საიჯარო აქტივის შემდგომი შეფასება – მოიჯარემ იჯარით აღებულ აქტივს ცვეთა უნდა დაარიცხოს წინამდებარე სტანდარტის შესაბამისი განყოფილების (როგორც წესი, მე-7 განყოფილება _ „გრძელვადიანი აქტივები“) მიხედვით“.
იგივე მიდგომაა სრულ ფასს-ებშიც: ბასს 16 „ძირითადი საშუალებების“ 31-ე მუხლით განსაზღვრულია, რომ „31. მოიჯარემ აქტივის გამოყენების უფლებაზე ცვეთის დასარიცხად უნდა გამოიყენოს ბასს 16 _ „ძირითადი საშუალებები“, წინამდებარე სტანდარტის 32-ე პუნქტის მოთხოვნების გათვალისწინებით“.