Homeკითხვა-პასუხითუ საერთაშორისო ჰოლდინგის მედიკამენტების რეგისტრაციის მომსახურებაზე (6110 ანგარიშზე გატარებით) ვიხდით მოგების გადასახადს,...

თუ საერთაშორისო ჰოლდინგის მედიკამენტების რეგისტრაციის მომსახურებაზე (6110 ანგარიშზე გატარებით) ვიხდით მოგების გადასახადს, მაშინ ფიზიკური პირი რომ გვემსახურება რეგისტრაციისთვის, ის ხარჯიც იგივე პრინციპით ხომ არ უნდა გატარდეს და დაიბეგროს მოგების გადასახადით?

Published on

spot_img

კითხვა: სამედიცინო საერთაშორისო ჰოლდინგის მედიკამენტებს საქართველოში უფასოდ ვარეგისტრირებთ ჩვენ (ამ ჰოლდინგში შემავალი ერთ-ერთი ფირმის ფილიალი საქართველოში), რაზეც ვიხდით მოგების გადასახადს. სარეგისტრაციო მომსახურებას გვიწევს რეზიდენტი ფიზიკური პირი, რომელსაც ყოველთვიურად ვუხდით მომსახურების საფასურს, რასაც ვბეგრავთ საშემოსავლო გადასახადით.
თუ მედიკამენტების რეგისტრაციის მომსახურებაზე (6110 ანგარიშზე გატარებით) ვიხდით მოგების გადასახადს, მაშინ ფიზიკური პირი რომ გვემსახურება რეგისტრაციისთვის, ის ხარჯიც იგივე პრინციპით ხომ არ უნდა გატარდეს და დაიბეგროს მოგების გადასახადით?

პასუხი: როგორც ცნობილია, სსკ 98(3) მუხლის მიხედვით, უსასყიდლოდ გაწეული მომსახურება, თუ ის გაწეულია არარეზიდენტებისათვის, ა(ა)იპ-ებისათვის და ფიზიკური პირებისთვის (ასევე, იმ კერძო სამართლის იმ რეზიდენტი იურიდიული პირებისათვის, რომლებიც არ იბეგრებიან მოგების გადასახადით „ესტონური მოდელით“), იბეგრება მოგების გადასახადით. სწორედ ამიტომ ბეგრავთ თქვენ მოგების გადასახადით მედიკამენტების რეგისტრაციის მომსახურებას, რომელსაც უფასოდ უწევთ აღნიშნულ არარეზიდენტ კომპანიებს. დასაბეგრი თანხა ასეთ შემთხვევაში განისაზღვრება სსკ 97-ე მუხლის მე-7 ნაწილის თანახმად:
„7. ამ კოდექსის 98(1)-98(4) მუხლებით გათვალისწინებული გადახდების/განაცემების არაფულადი ფორმით განხორციელების შემთხვევაში მოგების გადასახადით დაბეგვრის ობიექტი განისაზღვრება მიწოდებული საქონლის/გაწეული მომსახურების საბაზრო ფასით, ხოლო თუ მიწოდებული საქონლის/გაწეული მომსახურების საბაზრო ფასი დამატებული ღირებულების გადასახადს მოიცავს _ საბაზრო ფასით, დამატებული ღირებულების გადასახადის გარეშე“.
მოცემულ შემთხვევაში, მომსახურების მასშტაბის სიმცირიდან და ზუსტი ანალოგების არარსებობიდან გამომდინარე, ძნელი სათქმელია, თუ რა არის ამ მომსახურების საბაზრო ფასი (რა კომპონენტები უნდა იქნეს მასში გათვალისწინებული), თუმცა დანამდვილებით შეგვიძლია ვთქვათ, რომ ეს ფასი არ უნდა იყოს უფრო ნაკლები თქვენ მიერ ამ მომსახურების შესრულებისთვის გაწეული პირდაპირი ხარჯებისა.
აღნიშნულიდან გამომდინარე, თუ ამ ფიზიკურ პირს თქვენ ქირაობთ მედიკამენტების სარეგისტრაციო მომსახურების გასაწევად, მაშინ მისი დაქირავების დანახარჯები (ხელფასი და 2% სავალდებულო საპენსიო დაზღვევის შენატანი, თუ ის დაგროვებითი საპენსიო სქემის მონაწილეა) უნდა დაემატოს მოგების გადასახადით დასაბეგრ ბაზას, მიუხედავად იმისა, რომ ეს ფიზიკური პირი, თავის მხრივ, იბეგრება საშემოსავლო გადასახადით გადახდის წყაროსთან.

ბოლო ამბები

გაცვლითი კურსი

საქართველოს ეროვნულმა ბანკმა 21-24 ნოემბრის ოფიციალური გაცვლითი კურსი გამოაქვეყნა...

სამსახურმა აზერბაიჯანის რესპუბლიკის აუდიტორთა პალატის დელეგაციას უმასპინძლა

ვიზიტი მიზნად ისახავდა ორ უწყებას შორის პროფესიული თანამშრომლობის გაძლიერებასა და აუდიტის ხარისხის ზედამხედველობის, მარეგულირებელი ჩარჩოსა და საზედამხედველო მეთოდოლოგიების მიმართულებით პრაქტიკული გამოცდილების გაცვლას...

სამრეწველო პროდუქციის მწარმოებელთა ფასების ინდექსი საქართველოში – 2026 წლის ოქტომბერი

2026 წლის ოქტომბერში სამრეწველო პროდუქციის მწარმოებელთა ფასების ინდექსი წინა თვესთან შედარებით 0.04 პროცენტით შემცირდა, ხოლო წინა წლის შესაბამის თვესთან შედარებით სახეზეა ინდექსის 3.5 პროცენტიანი მატება...

გაცვლითი კურსი

საქართველოს ეროვნულმა ბანკმა 20 ნოემბრის ოფიციალური გაცვლითი კურსი გამოაქვეყნა...

სხვა კითხვები

საქართველოს ფინანსთა მინისტრის 2026 წლის 18 მაისის №147 საჯარო გადაწყვეტილების გათვალისწინებით, როდის იქნება ბარტერულ ოპერაციაზე დაბეგვრის დრო…

კითხვა: საქართველოს ფინანსთა მინისტრის 2026 წლის 18 მაისის №147 საჯარო გადაწყვეტილების გათვალისწინებით, როდის იქნება...

თანხის კონვერტაციისას (როგორც საბანკო, ასევე სავალუტო ჯიხურში და სპეციალური ვებგვერდების მეშვეობით) ვიყენებთ 7471 ანგარიშს (ხარჯები კონვერტაციიდან) პლუსით ან მინუსით და…

კითხვა: თანხის კონვერტაციისას (როგორც საბანკო, ასევე სავალუტო ჯიხურში და სპეციალური ვებგვერდების მეშვეობით) ვიყენებთ 7471...

შპს С-ს ჰყავს ორი დამფუძნებელი საწარმო, შპს A და შპს B. შპს A ფლობს 52% წილს შპს C-ში, ხოლო შპს B – 48%-ს. შპს...

კითხვა: შპს С-ს ჰყავს ორი დამფუძნებელი საწარმო, შპს A და შპს B. შპს A ფლობს 52% წილს შპს C-ში, ხოლო შპს B – 48%-ს...