კითხვა: ფიტპასის საფასურს კომპანია უქვითავს თანამშრომლებს ხელფასიდან.
ზოგიერთი იხდის სამ-ოთხ ფიტპასს ოჯახის წევრებისთვის და მეგობრებისთვის. ეს რამდენად მისაღებია?
ფინანსურად რამდენად გამართლებულია არათანამშრომლის, ან თანამშრომლის ოჯახის წევრის დაფინანსება, საგადასახადო დაბეგვრის თვალსაზრისით?
პასუხი: როგორც გვწერთ, ფიტპასის საფასური თანამშრომლებს ექვითებათ ხელფასებიდან, ამიტომ თითოეულ მათგანს ერთი-ორი ადამიანისთვის განკუთვნილი ფიტპასის საფასური დაექვითებათ თუ სამი-ოთხი ადამიანისთვის, რა მნიშვნელობა აქვს? არანაირი.
ზოგადად, თანამშრომლის ოჯახის წევრის ან სხვა არათანამშრომლის დაფინანსება კომპანიისათვის წარმოშობს საგადასახადო ხარჯს/ვალდებულებას, მაგრამ მოცემულ შემთხვევაში, ეს საკითხი დღის წესრიგში საერთოდ არ დგას, რადგან თქვენი კომპანია არ აფინანსებთ მათ. ფიტპასის საფასურის დაფარვა ხდება თქვენი თანამშრომლების მიერ, ხელფასებიდან შესაბამისი თანხების დაკავების გზით.