ფინანსური ანგარიშგებების მიმოხილვის წესი
– ბუღალტრული აღრიცხვის, ანგარიშგებისა და აუდიტის ზედამხედველობის სამსახურის უფროსის მიერ 24.02.2026-ში #ნ-1 ბრძანებით დამტკიცდა „ანგარიშგების ვებგვერდზე გამოქვეყნებული ანგარიშგებების საერთაშორისო სტანდარტებთან შესაბამისობის მიმოხილვის წესი”.
წესი განსაზღვრავს სამსახურის მიერ ანგარიშგების ვებგვერდზე გამოქვეყნებული ინდივიდუალური და კონსოლიდირებული ანგარიშგებების საერთაშორისო სტანდარტებთან შესაბამისობის მიმოხილვის წესს, რისკის მართვის, მიმოხილვისა და სამართალდარღვევის იდენტიფიცირების მიზნებისთვის ადმინისტრაციული წარმოების წარმართვის და შეუსაბამობების გამოვლენის პროცედურებს.
წესის მიზანია, ანგარიშგების საერთაშორისო სტანდარტებთან შესაბამისობის შეფასების სამართლებრივი პროცედურის დადგენა და მიმოხილვის შედეგად ანგარიშგების ხარისხის ზრდა, საერთაშორისო სტანდარტებთან შესაბამისობის ამაღლების ხელშეწყობა და სამართალდარღვევათა პრევენცია.
წესის მიზნებისთვის გამოყენებულია და განსაზღვრულია შემდეგი ტერმინები:
მიმოხილვა – მიმომხილველთა მიერ ანგარიშგების საერთაშორისო სტანდარტებთან შესაბამისობის ანალიზი, რომელიც ემსახურება ანგარიშგების საერთაშორისო სტანდარტებთან შეუსაბამო გარემოებების გამოვლენასა და სამართალდარღვევის იდენტიფიცირებას.
მიმომხილველი – სამსახურის ბუღალტრული აღრიცხვის და ანგარიშგების ზედამხედველობის დეპარტამენტის თანამშრომელი, რომელიც ახორციელებს ანგარიშგების ვებგვერდზე (www.reportal.ge) გამოქვეყნებული ანგარიშგებ(ებ)ის „ბუღალტრული აღრიცხვის, ანგარიშგების და აუდიტის შესახებ~ საქართველოს კანონით (შემდგომ – კანონი) განსაზღვრულ საერთაშორისო სტანდარტებთან, მათ შორის, ფინანსური ანგარიშგების საერთაშორისო სტანდარტებთან (IFRS) და მცირე და საშუალო საწარმოებისთვის დადგენილი ფინანსური ანგარიშგების სტანდარტთან (IFRS for SMEs) შეუსაბამობების გამოვლენას.
საერთაშორისო სტანდარტები (შემდგომ – სტანდარტები) – კანონის მე-3 მუხლის მე-3 და მე-4 პუნქტებით გათვალისწინებული, სამსახურის მიერ სამოქმედოდ შემოღებული, ფინანსური ანგარიშგების საერთაშორისო სტანდარტები (IFRS) და მცირე და საშუალო საწარმოებისთვის დადგენილი ფინანსური ანგარიშგების საერთაშორისო სტანდარტი (IFRS for SMEs).
არსებითი – განიმარტება სტანდარტების შესაბამისად.
სამსახურს უფლება აქვს, მიმოხილვა განახორციელოს, როგორც თავისი ინიციატივით, რისკზე დაფუძნებული მიდგომის საფუძველზე აღმოჩენილი გარემოებების, ასევე, პირის ან ადმინისტრაციული ორგანოს დასაბუთებული მომართვის შემთხვევაში. მომართვა ჩაითვლება დასაბუთებულად, თუ მასში მითითებულია ინფორმაცია ანგარიშგების სტანდარტებთან შეუსაბამობების შესახებ.
რისკების მართვისათვის სამსახური გამოიყენებს შემდეგ კრიტერიუმებს ერთობლივად, ან ცალ-ცალკე:
– ანგარიშგებები, რომელთა აუდიტორული მომსახურების განხორციელებამდე ან მის შემდეგ, აუდიტორული მომსახურების განმახორციელებელ აუდიტორს/აუდიტორულ ფირმას შეუწყდა/ შეეზღუდა უფლებამოსილება (შესაბამის კატეგორიის საწარმოებთან მიმართებაში) ან/და აუდიტორს/ აუდიტორულ ფირმას არ აქვს გავლილი ხარისხის მართვის სისტემის მონიტორინგი ან/და აუდიტორი/ აუდიტორული ფირმა სამსახურის ხედვით არ შეესაბამება სუბიექტის სიდიდეს და კომპლექსურობას.
– აუდიტორის მოსაზრების ტიპი.
– განმარტებითი შენიშვნების თვალსაჩინო სიმწირე.
– ანგარიშგების წარდგენა კანონისა და კანონქვემდებარე აქტებით გათვალისწინებული წესების დარღვევით.
– საწარმოები, რომელთაც მიმდინარე საანგარიშგებო პერიოდში გადაიანგარიშეს ფინანსური ანგარიშგების მუხლები ან მოახდინეს რეკლასიფიკაცია.
– სექტორული შერჩევა რისკისა და მნიშვნელობის გათვალისწინებით (მათ შორის დარგობრივი პრიორიტეტულობის განსაზღვრა შესაბამის სახელმწიფო უწყებებთან კომუნიკაციის გზით).
– უკვე მიმოხილული ანგარიშგების ფარგლებში
დაშვებული შეცდომების არსებითობა.
რისკების მართვის სისტემის წარმოების მეთოდოლოგია არ არის საჯარო ინფორმაცია, რისკის მართვისა და ანგარიშგების შერჩევის პროცესში მოცული უნდა იყოს წესის რეგულირებას დაქვემდებარებული ყველა სუბიექტი. რისკის მართვისა და ანგარიშგების შერჩევის პროცესში სამსახურს აქვს უფლება ჩართოს ექსპერტები, სპეციალისტები და სხვა სახელმწიფო უწყებები.
მიმოხილვა შესაძლოა ჩატარდეს სრული ანგარიშგების მიმოხილვის ან ანგარიშგების თემატური მიმოხილვის გზით.
სრული ანგარიშგების მიმოხილვის შემთხვევაში სამსახური განიხილავს ანგარიშგებაში არსებულ კომპონენტებს და ანგარიშგებას ამოწმებს სტანდარტების მოთხოვნებთან შეუსაბამობის კუთხით.
თემატური მიმოხილვის შემთხვევაში კი შემოწმებას ექვემდებარება ანგარიშგების ცალკეული კომპონენტები.
თემატური მიმოხილვის მსვლელობისას აღმოჩენილი შეუსაბამობების მნიშვნელოვნებიდან და სიმრავლიდან გამომდინარე, სამსახურს შეუძლია დაიწყოს სრული ანგარიშგების მიმოხილვა.
სტანდარტებთან შესაბამისობის თემატური ან სრული მიმოხილვა მოიცავს რამდენიმე ეტაპს:
– სუბიექტისთვის მიმოხილვის დაწყებასთან დაკავშირებული პირველადი წერილის გაგზავნა და მისი ჩაბარებიდან საპასუხო წერილის სამსახურისთვის 10 კალენდარული დღის ვადაში წარდგენა;
– სუბიექტის მიერ წარმოდგენილი უკუკავშირის შესწავლა/ანალიზი და საჭიროებისას დამატებითი ინფორმაციის მოძიება (მათ შორის, საქმის გარემოებათა ყოველმხრივი გამოკვლევის მიზნით, სამსახურმა შესაძლოა წარმართოს სუბიექტთან შეხვედრა ან/და გაგზავნოს დამაზუსტებელი წერილი ინფორმაციის 7 კალენდარული დღის ვადაში წარდგენის თაობაზე);
– სამსახურის ბუღალტრული აღრიცხვისა და ანგარიშგების ზედამხედველობის დეპარტამენტის მოხსენებითი ბარათის სამსახურის უფროსის სახელზე მომზადება, რომელშიც აისახება მიმოხილვის შედეგები, კერძოდ, სამართალდარღვევის არსებობის გამოვლენის ან სამართალდარღვევის არარსებობის შესახებ გარემოებები.
– სამსახურის მიერ საბოლოო გადაწყვეტილების მიღება.
მიმოხილვაში ჩართულ პირებს არ აქვთ უფლება აწარმოონ მიმოხილვის პროცესი, თუ ამ პროცესში გამოვლინდა სუბიექტთან ან აუდიტორთან/აუდიტორულ ფირმასთან/გარიგების პარტნიორთან კავშირი, რამაც შესაძლოა გავლენა მოახდინოს მიმოხილვის შედეგებზე.
სამსახურის უფროსის ინდივიდუალურ ადმინისტრაციულ-სამართლებრივ აქტთან დაკავშირებული დავა შესაძლებელია განიხილონ საბჭომ და სასამართლომ. საჩივრის ავტორს უფლება აქვს, დავის ნებისმიერ ეტაპზე მიმართოს სასამართლოს.
გადასახადების ადმინისტრირების შესახებ
_ ფინანსთა მინისტრის მიერ 03.02.2026-ში მიღებული #33 ბრძანებით ცვლილება განხორციელდა „გადასახადების ადმინისტრირების შესახებ~ ინსტრუქციაში.
შედეგად, 812 მუხლს დამატებული 51 პუნქტის მიხედვით „მიმდინარე კონტროლის პროცედურების ჩატარების, სასაქონლო-მატერიალურ ფასეულობათა ჩამოწერის, აღიარებული საგადასახადო დავალიანების დაფარვის, საგადასახადო დავალიანების გადახდევინების უზრუნველყოფის ღონისძიებების განხორციელების, სამართალდარღვევათა საქმისწარმოების წესის დამტკიცების თაობაზე~ ფინანსთა მინისტრის 2010 წლის 31 დეკემბრის #994 ბრძანებით დამტკიცებული წესის VIII თავის შესაბამისად, მწარმოებლის მიერ აქციზური მარკით ნიშანდებული, საქართველოში წარმოებული აქციზური ნაწარმის ჩამოწერისას, აქციზური მარკები ითვლება უტილიზებულად და არ ექვემდებარება აქციზით დაბეგვრას.
112-ე მუხლს დამატებული 191 პუნქტის შესაბამისად, 2025 წლის პირველი იანვრიდან 2025 წლის პირველ აგვისტომდე, სრული განადგურების ფორმით ჩამოწერილ, საქართველოში წარმოებულ აქციზურ ნაწარმზე, მწარმოებლის მიერ ნიშანდებული აქციზური მარკები, მწარმოებლის მიერ შემოსავლების სამსახურისათვის წარდგენილ განცხადებაში მითითებული სერიული ნომრებით/სერიული ნომრების დიაპაზონით, ითვლება უტილიზებულად და არ ექვემდებარება აქციზით დაბეგვრას.
_ 05.02.2026-ის #37 ბრძანებით კი, ინსტრუქციის 395 მუხლს დაემატა 396 მუხლი _ საგადასახადო შეღავათით მოსარგებლე პირებისათვის გადახდის წყაროსთან დაკავებული გადასახადის თანხის დაბრუნების წესი , რომელიც ამოქმედდება 2026 წლის 1 ივლისიდან.
ამ მუხლის თანახმად, საგადასახადო ორგანოს შეუძლია საგადასახადო კოდექსის 82-ე მუხლის მე-2 ნაწილით განსაზღვრულ შეღავათით მოსარგებლე პირს (გარდა ამავე ნაწილის „ა.ვ“ და „გ“ ქვეპუნქტებით გათვალისწინებული პირებისა) დაუბრუნოს მის მიერ მიღებულ შემოსავლებზე გადახდის წყაროსთან დაკავებული გადასახადის თანხა, საგადასახადო აგენტის მიერ წარდგენილი გადახდის წყაროსთან დაკავებული გადასახადის დეკლარაციის საფუძველზე.
იმ შემთხვევაში, თუ საგადასახადო აგენტის მიერ წარდგენილ გადახდის წყაროსთან დაკავებული გადასახადის დეკლარაციაში ასახული პირი არ არის აღრიცხული გადასახადის გადამხდელად, იგი ვალდებულია დარეგისტრირდეს გადასახადის გადამხდელ ფიზიკურ პირად.
გადახდის წყაროსთან დაკავებული გადასახადის თანხის დაბრუნების მიზნით პირმა საგადასახადო ორგანოს უნდა წარუდგინოს განცხადება „საგადასახადო შეღავათით მოსარგებლე პირებისთვის გადახდის წყაროსთან დაკავებული გადასახადის თანხის დაბრუნების წესით სარგებლობის თაობაზე~ (დანართი #II-087), სადაც მიეთითება საბანკო ანგარიშსწორების ანგარიში, რომელზეც უნდა მოხდეს თანხის დაბრუნება.
მითითებული საბანკო ანგარიშსწორების ანგარიშის პირისადმი კუთვნილების დადგენის მიზნით, შემოსავლების სამსახურსა და საბანკო დაწესებულებას შორის საგადასახადო საიდუმლოების, საბანკო საიდუმლოების და პერსონალური მონაცემების შემცველი ინფორმაციის გაცვლა ხდება პირის მიერ ამავე განცხადებით გამოხატული თანხმობის საფუძველზე.
გადახდის წყაროსთან დაკავებული გადასახადის თანხის პირისათვის დაბრუნებას საგადასახადო ორგანო უზრუნველყოფს განცხადების წარდგენის თვის მომდევნო საანგარიშო პერიოდიდან.
პირს, გადახდის წყაროსთან დაკავებული გადასახადის თანხის დაბრუნების ამ მუხლით განსაზღვრული წესით სარგებლობის მთელ პერიოდზე, ეზღუდება ამ ინსტრუქციის 391 მუხლით გათვალისწინებული წესით სარგებლობა.
_ 24.02.2026-ის #52 ბრძანებით ინსტრუქციაში შეტანილი ცვლილების თანახმად, მოგების გადასახადის (წლიური) დეკლარაციის და მოგების გადასახადის ყოველთვიური დეკლარაციის (მხოლოდ მარტის თვის საანგარიშო პერიოდის) ფორმებს დაემატა დანართი _ „ინფორმაცია საქართველოს საგადასახადო კოდექსის 126-129¹ მუხლებით გათვალისწინებული საერთაშორისო კონტროლირებული ოპერაციების შესახებ~. ამ დანართის მიხედვით, საწარმო ვალდებულია მასში ასახოს ინფორმაცია 2025 წლის განმავლობაში განხორციელებული საერთაშორისო კონტროლირებული ოპერაციების შესახებ, თუ საწარმოს მიერ განხორციელებული საერთაშორისო კონტროლირებული ოპერაციების (მათ შორის უსასყიდლო ოპერაციისა და კრედიტორული/დებიტორული დავალიანების ნაშთების გათვალისწინებით) მოცულობა ჯამურად, აღემატება 500 000 ლარს.
401 მუხლს დამატებული მე-10 პუნქტის თანახმად, დეკლარაციის დანართი #4 („ინფორმაცია საქართველოს საგადასახადო კოდექსის 126-1291 მუხლებით გათვალისწინებული საერთაშორისო კონტროლირებული ოპერაციების შესახებ~) ივსება მარტის თვის საანგარიშო პერიოდის მიხედვით წარსადგენ დეკლარაციაში, რომელშიც აისახება წინა კალენდარული წლის მონაცემები.
დანართ 4-ის სვეტებში, დასახელების შესაბამისად აისახება შემდეგი ინფორმაცია:
პირველ–მე-3 სვეტებში – ურთიერთდამოკიდებული პირის დასახელება, საიდენტიფიკაციო ნომერი და რეზიდენტობა;
მე-4 სვეტში – საერთაშორისო კონტროლირებულ ოპერაციებში მონაწილე პირებს შორის ურთიერთდამოკიდებულების ფორმა, კერძოდ:
– პირდაპირ საწარმოს 50 პროცენტზე მეტის ფლობა;
– არაპირდაპირ საწარმოს 50 პროცენტზე მეტის ფლობა;
– სამეწარმეო გადაწყვეტილებების პრაქტიკული კონტროლი;
– შეღავათიანი დაბეგვრის მქონე ქვეყნის რეზიდენტი;
– მუდმივი დაწესებულება;
მე-5 სვეტში – იმ საერთაშორისო კონტროლირებული ოპერაციის სახე, რომელიც საწარმომ განახორციელა ან/და ოპერაციის სახე, რომელზეც უფიქსირდება დებიტორული/კრედიტორული დავალიანება. ამასთან, თუ, კონტროლირებული ოპერაციის ფარგლებში ერთი და იმავე ხელშეკრულებიდან გამომდინარე, კალენდარული წლის განმავლობაში განხორციელებულია რამდენიმე კონტროლირებული ოპერაცია;
მე-6 სვეტში – მე-5 სვეტში ასახული საერთაშორისო კონტროლირებული ოპერაციის მოცულობა (ღირებულება), მისი განხორციელების ვალუტაში (ოპერაციების ჯამური თანხა); თუ პირს უფიქსირდება კრედიტორული/დებიტორული დავალიანება, თუმცა საანგარიშო პერიოდში არ განუხორციელებია ოპერაცია, საერთაშორისო კონტროლირებული ოპერაციის მოცულობად (ღირებულებად) მიეთითება _ 0;
მე-7 სვეტში – განხორციელებული საერთაშორისო კონტროლირებული ოპერაციის მოცულობა ეროვნულ ვალუტაში (ლარში), ოპერაციის განხორციელების დღისათვის საქართველოს ეროვნული ბანკის მიერ შესაბამისი უცხო ქვეყნის ვალუტის მიმართ განსაზღვრული ლარის ოფიციალური გაცვლითი კურსით;
მე-8 სვეტში – კრედიტორული ან დებიტორული დავალიანების ნაშთი საანგარიშო წლის ბოლოსთვის მისი განხორციელების ვალუტაში. იმ შემთხვევაში, თუ პირს წარმოეშვა კონტროლირებული ოპერაციის განხორციელების ვალდებულება, თუმცა არ განუხორციელებია, კრედიტორული/დებიტორული დავალიანების ნაშთი მიეთითება განსახორციელებელი ოპერაციის მოცულობის (ღირებულების) გათვალისწინებით;
მე-9 სვეტში – საერთაშორისო კონტროლირებული ოპერაციის დაწყების თარიღი;
მე-10 სვეტში – კონტროლირებული ოპერაციების შეფასებასთან დაკავშირებული დოკუმენტაციის ფლობის შესახებ ინფორმაცია (მაქვს/არ მაქვს/მზადდება/ვაპირებ მომზადებას).
მაგალითი:
ფაქტობრივი გარემოებები:
2020 წელს საქართველოს რეზიდენტ შპს „A“-სა და შვეიცარიის კონფედერაციის რეზიდენტ საწარმო „B“-ს შორის გაფორმდა საკრედიტო ხაზის ხელშეკრულება 2 000 000 აშშ დოლარზე. „B“ არის შპს „A“ ს 52%-იანი წილის მფლობელი. 2020, 2022, 2023 და 2024 წლებში საკრედიტო ხაზის ხელშეკრულების საფუძველზე გაფორმებულია 8 სესხის ხელშეკრულება, სულ მიღებულია 1 500 000 აშშ დოლარი, მათ შორის, 2024 წელს მიღებულია სესხები:
1) 15.03.2024 – 350 000 აშშ დოლარი;
2) 15.08.2024 – 300 000 აშშ დოლარი.
ამასთან, 2020-2023 წელს მიღებული სესხები დაბრუნებულია სრულად. 2024 წლის 31 დეკემბერს შპს „A“-მ დააბრუნა მიღებული სესხის ძირი თანხიდან 250 000 აშშ დოლარი, ამავე თარიღისთვის შპს „A“-ს მიერ გადასახდელი პროცენტი შეადგენდა 97 500 აშშ დოლარს, რაც ასევე სრულად გადაიხადა. დეკლარაციის წარდგენის მომენტისთვის ოპერაციების შეფასებასთან დაკავშირებულ დოკუმენტაციას შპს „A“ არ ფლობს.
შედეგი:
2025 წლის მარტის საანგარიშო თვის დეკლარაციაში შპს „A“-ს მიერ დეკლარაციის დანართ 4-ში აისახება ინფორმაცია ორ სტრიქონად შემდეგი სახით:
I ოპერაცია:
1) პირველმე-3 სვეტებში მიეთითება – „B“ საწარმოს დასახელება, საიდენტიფიკაციო ნომერი, რეზიდენტობის ქვეყანა – შვეიცარიის კონფედერაცია; 2) მე-4 სვეტში აისახება ურთიერთდამოკიდებულების ფორმა – პირდაპირ საწარმოს 50 პროცენტზე მეტის ფლობა; 3) მე-5 სვეტში აისახება განხორციელებული ოპერაციის სახე – მიღებული სესხი; 4) მე-6 სვეტში აისახება 2024 წლის განმავლობაში ჯამურად მიღებული სესხის მოცულობა – 650 000 აშშ დოლარი, ხოლო მე-7 სვეტში – სესხის მოცულობა ოპერაციის განხორციელების დღისათვის საქართველოს ეროვნული ბანკის მიერ შესაბამისი უცხო ქვეყნის ვალუტის მიმართ განსაზღვრული ლარის ოფიციალური გაცვლითი კურსის შესაბამისად – 1 744 340 ლარი (3500002.6758 (15.03.2024 წლის აშშ დოლარის გაცვლითი კურსი ლართან მიმართებით) + 3000002.6927 (15.08.2025 წლის აშშ დოლარის გაცვლითი კურსი ლართან მიმართებით));
5) მე-8 სვეტში აისახება დებიტორული დავალიანების ნაშთი – 400 000 აშშ დოლარი (650000-250000);
6) მე-9 სვეტში აისახება მხარეთა შორის გაფორმებული საკრედიტო ხაზის ხელშეკრულების თარიღი – 2020 წელი;
7) მე-10 სვეტში აისახება კონტროლირებული ოპერაციების შეფასებასთან დაკავშირებული დოკუმენტაციის ფლობის შესახებ ინფორმაცია – „არ მაქვს“.
II ოპერაცია:
1) პირველ–მე-3 სვეტებში მიეთითება „B“ საწარმოს დასახელება, საიდენტიფიკაციო ნომერი, რეზიდენტობის ქვეყანა – შვეიცარიის კონფედერაცია;
2) მე-4 სვეტში აისახება ურთიერთდამოკიდებულების ფორმა – პირდაპირ საწარმოს 50 პროცენტზე მეტის ფლობა;
3) მე-5 სვეტში აისახება განხორციელებული ოპერაციის სახე – საპროცენტო ხარჯი;
4) მე-6 სვეტში აისახება 2024 წლის განმავლობაში საპროცენტო ხარჯის მოცულობა – 97 500 აშშ დოლარი, ხოლო მე-7 სვეტში – მოცულობა ოპერაციის განხორციელების დღისათვის საქართველოს ეროვნული ბანკის მიერ შესაბამისი უცხო ქვეყნის ვალუტის მიმართ განსაზღვრული ლარის ოფიციალური გაცვლითი კურსის შესაბამისად – 273 663 ლარი (97 500*2.8068 (31.12.2024 წლის აშშ დოლარის გაცვლითი კურსი ლართან მიმართებით));
5) მე-8 სვეტში აისახება საპროცენტო დავალიანების ნაშთი – 0;
6) მე-9 სვეტში აისახება მხარეთა შორის გაფორმებული საკრედიტო ხაზის ხელშეკრულების თარიღი – 2020 წელი;
7) მე-10 სვეტში აისახება კონტროლირებული ოპერაციების შეფასებასთან დაკავშირებული დოკუმენტაციის ფლობის შესახებ ინფორმაცია – „არ მაქვს“.
ცვლილება ამოქმედდა 2026 წლის 25 თებერვლიდან და მისი მოქმედება გავრცელდება 2025 წლის და შემდგომ საანგარიშო პერიოდზე წარსადგენ ინფორმაციაზე.
_ 24.02.2026-ის #53 ბრძანებით ინსტრუქციის 801 მუხლს დამატებული 41-42 პუნქტების თანახმად:
„41. სპეციალური საწარმოს სტატუსის მქონე პირის მიერ მატერიალური ფორმის მარკების შეძენის შესახებ წარდგენილ შეკვეთაში/განაცხადში მიეთითება:
ა) მომხმარებლის დასახელება და საიდენტიფიკაციო ნომერი;
ბ) მატერიალური ფორმის მარკების დანიშნულება;
გ) მატერიალური ფორმის მარკების მიწოდების სასურველი თარიღი;
დ) საქონლის დასახელება, სეს ესნ-ის შესაბამის კოდი და რაოდენობა. ამასთან, ალკოჰოლიანი სასმელების შემთხვევაში – ჭურჭლის მოცულობა და პროცენტული მაჩვენებელი, ხოლო თამბაქოს ნაწარმის შემთხვევაში – რაოდენობა, მოცულობა ან/და წონა და ზომის ერთეული;
ე) გასაცემი მატერიალური ფორმის მარკების შეფუთვების რაოდენობა სახეობების მიხედვით (რულონი, ყუთი);
ვ) გადასახდელი აქციზის თანხის ოდენობა.
- სპეციალური საწარმოს სტატუსის მქონე პირის მიერ მატერიალური ფორმის მარკების შეძენის შესახებ წარდგენილ შეკვეთას/განაცხადს ასევე უნდა დაერთოს აქციზის თანხის გადახდის დამადასტურებელი დოკუმენტი (საგადახდო დავალება) ან შესაბამისი საბანკო გარანტია“.
მე-6 პუნქტსაც დაემატა 61 პუნქტი, რომლის მიხედვითაც აქციზური მარკების გაცემის დროს დგება:
– „აქციზური მარკების მიღება-ჩაბარების
აქტი“ (დანართი #IV-042) 2 ეგზემპლარად, რომელიც დამოწმებული უნდა იყოს პირის ან მისი წარმომადგენლის და აქციზური მარკების გაცემაზე პასუხისმგებელი პირის ხელმოწერითა და ბეჭდით (ასეთის არსებობის შემთხვევაში). აქტის ერთი ეგზემპლარი გადაეცემა პირს ან მის წარმომადგენელს. ამასთან, თამბაქოს და საგარეო-ეკონომიკური საქმიანობის ეროვნული სასაქონლო ნომენკლატურის 2404 12 000 00 და 2404 19 900 00 კოდებში მითითებული საქონლის მწარმოებელთან გაგზავნის შემთხვევაში დანართი №IV-042 ასევე დამოწმებული უნდა იყოს შემოსავლების სამსახურის და გადამზიდი კომპანიის წარმომადგენლის ხელმოწერითა და ბეჭდით (ასეთის არსებობის შემთხვევაში), რა შემთხვევაშიც აქტი დგება 4 ეგზემპლარად. აქტის ერთი ეგზემპლარი გადაეცემა მეწარმე სუბიექტს ან მის წარმომადგენელს.
– „სპეციალური საწარმოს სტატუსის მქონე პირისათვის აქციზური მარკების მიღება-ჩაბარებისა და გამოანგარიშებული აქციზის ოდენობის თანხის გადახდის შესახებ აქტი“ (დანართი #IV-041) დგება 3 ეგზემპლარად, რომელიც დამოწმებული უნდა იყოს სპეციალური საწარმოს სტატუსის მქონე პირის ან მისი წარმომადგენელის, შემოსავლების სამსახურის და აქციზური მარკების გაცემაზე პასუხისმგებელი პირის ხელმოწერითა და ბეჭდით (ასეთის არსებობის შემთხვევაში). აქტის ერთი ეგზემპლარი გადაეცემა სპეციალური საწარმოს სტატუსის მქონე პირს ან მის წარმომადგენელს.
დანართ #IV-041-ს დაემატა დანართი №IV-042.
დანართ №IV-061-ს დაემატა დანართი №IV-062.
გამოუყენებელი მატერიალური ფორმის აქციზური მარკების უკან დაბრუნების დროს დგება:
– „გამოუყენებელი აქციზური მარკების უკან დაბრუნების მიღება-ჩაბარების აქტი“ (დანართი #IV 062) 3 ეგზემპლარად, რომელიც დამოწმებული უნდა იყოს პირის ან მისი წარმომადგენლის, შემოსავლების სამსახურის და შერჩეული პირის ხელმოწერითა და ბეჭდით (ასეთის არსებობის შემთხვევაში). აქტის ერთი ეგზემპლარი გადაეცემა პირს ან მის წარმომადგენელს.
– „სპეციალური საწარმოს სტატუსის მქონე პირის მიერ გამოუყენებელი აქციზური მარკების უკან დაბრუნებისა და დარიცხული აქციზის თანხის შემცირების შესახებ აქტი“ (დანართი #IV-061) დგება 3 ეგზემპლარად, რომლის საფუძველზეც ხორციელდება ამავე მუხლის პირველი პუნქტით განსაზღვრული განცხადების დადასტურება და მათი შეძენისას დარიცხული აქციზის თანხის ოდენობის შემცირება. ამასთან, აქტი დამოწმებული უნდა იყოს შემოსავლების სამსახურის, შერჩეული პირის და სპეციალური საწარმოს სტატუსის მქონე პირის ან მისი წარმომადგენლის ხელმოწერითა და ბეჭდით (ასეთის არსებობის შემთხვევაში). აქტის ერთი ეგზემპლარი გადაეცემა სპეციალური საწარმოს სტატუსის მქონე პირს ან მის წარმომადგენელს.
_ 27.02.2026-ში მიღებული #61 ბრძანებით კი დაკორექტირდა ინსტრუქციის მე-3 მუხლის 13 პუნქტი, რომლის თანახმად ფიზიკური პირის (გარდა ინდივიდუალური მეწარმისა) საგადასახადო აღრიცხვა, ამ მუხლის პირველი პუნქტით გათვალისწინებულის ნაცვლად, შესაძლებელია მოხდეს საგადასახადო ორგანოსთვის ვიდეოზარით/დისტანციური იდენტიფიკაციის სერვისით. ცალკეულ შემთხვევაში საგადასახადო ორგანოს შეუძლია ვიდეოზარით/ დისტანციური იდენტიფიკაციის სერვისით მიმართვის ნაცვლად პირს მოსთხოვოს #I-01 დანართის შესაბამისი განცხადების წარდგენა.
მე-6 პუნქტს დაემატა 61 პუნქტი, რომლის მიხედვით ელექტრონული ფორმით კომუნიკაციისას გამოსაყენებელი სახელწოდებისა და პაროლის დაკარგვის შემთხვევაში მეწარმეთა და არაკომერციული იურიდიული პირების რეესტრში რეგისტრირებული ისეთი სუბიექტებისთვის (გარდა ინდივიდუალური მეწარმისა და ისეთი სუბიექტებისა, რომელთაც ჰყავთ ერთი ხელმძღვანელობის/წარმომადგენლობითი უფლებამოსილების მქონე პირი), რომელთაც შექმნილი აქვთ საჯარო რეესტრის ეროვნული სააგენტოს ავტორიზებული მომხმარებლის გვერდი, შემოსავლების სამსახურის ავტორიზებული მომხმარებლის გვერდზე გამოსაყენებელი სახელწოდების/პაროლის აღდგენის უფლება აქვს მხოლოდ საჯარო რეესტრის ეროვნული სააგენტოს ავტორიზებული მომხმარებლის გვერდის მართვაზე უფლებამოსილ ხელმძღვანელ პირს, რომლის შესახებ ინფორმაციაც შემოსავლების სამსახურს მიეწოდება საჯარო რეესტრის ეროვნული სააგენტოს მიერ.
ფინანსთა მინისტრის ბრძანება #994
_ 03.02.2026-ში მიღებული #34 ბრძანებით ცვლილება განხორციელდა „მიმდინარე კონტროლის პროცედურების ჩატარების, სასაქონლო-მატერიალურ ფასეულობათა ჩამოწერის, აღიარებული საგადასახადო დავალიანების დაფარვის, საგადასახადო დავალიანების გადახდევინების უზრუნველყოფის ღონისძიებების განხორციელების, სამართალდარღვევათა საქმისწარმოების წესში“.
კერძოდ, დაკორექტირებული 32-ე მუხლის მე-4 პუნქტის შესაბამისად, სმფ-ების ჩამოწერა (გარდა ამ მუხლის მე-6 პუნქტით გათვალისწინებული შემთხვევისა) სრულდება:
– საქონლის სრული განადგურებით;
– საქონლის პირველადი სახის შეცვლით;
– ამ წესის 3722 მუხლის მე-2 პუნქტის „ბ~ ქვეპუნქტით გათვალისწინებული სასაქონლო-მატერიალური ფასეულობების (საბურავები) მწარმოებლის გაფართოებული ვალდებულების ორგანიზაციისთვის გადაცემით.
ამავე მუხლს დაემატა მე-6 და მე-7 პუნქტები, რომლის მიხედვითაც, მწარმოებლის მიერ საქართველოში წარმოებული აქციზური მარკით ნიშანდებული აქციზური ნაწარმის ჩამოწერა უნდა მოხდეს ადგილზე გასვლით და დასრულდეს სრული განადგურებით.
ასეთ დროს, მწარმოებლის მიერ აქციზური მარკით ნიშანდებული, საქართველოში წარმოებული აქციზური ნაწარმის ჩამოწერისას, საგადასახადო ორგანოს უფლებამოსილი პირის მიერ ადგილზე გასვლით დათვალიერებას ექვემდებარება ამ წესის დანართ #24-ში მითითებული აქციზური ნაწარმის საერთო რაოდენობის არანაკლებ 2% შერჩევით. შერჩევა ხდება უდიდესი შეფუთვის აქციზური ნაწარმის ყუთის, ხოლო თითოეული ყუთიდან – აქციზური ნაწარმის არანაკლებ 2% ოდენობის უმცირესი შეფუთვის მიხედვით.
„სპეციალური დაბეგვრის რეჟიმების გამოყენების შესახებ~
_ ფინანსთა მინისტრის მიერ 05.02.2026 ში მიღებული #38 ბრძანებით ცვლილება შევიდა „სპეციალური დაბეგვრის რეჟიმების გამოყენების შესახებ” #999 ბრძანებაში, რომელიც 2026 წლის 7 მარტიდან ამოქმედდება.
„სპეციალური დაბეგვრის რეჟიმების შესახებ~ ინსტრუქციაში (დანართი #1) შეტანილი ცვლილების თანახმად, მიკრო ბიზნესის სტატუსიდან მცირე ბიზნესის სტატუსზე გადასვლის შემთხვევებში ზუსტდება პირობები და მცირე ბიზნესის სტატუსის ძალაში შესვლის თარიღები.
30 000-ლარიანი ზღვრის გადაჭარბებიდან 15 დღეში მიმართვის შემთხვევაში მცირე ბიზნესის სტატუსი ენიჭება გადაჭარბების დღიდან და მინიჭებამდე პერიოდში მიღებული შემოსავალი დაექვემდებარება დაბეგვრას მიკრო ბიზნესისთვის დადგენილი წესის შესაბამისად.
30 000-ლარიანი ზღვრის გადაჭარბებიდან 15 დღის გასვლის შემდეგ მიმართვის შემთხვევაში მცირე ბიზნესის სტატუსი ენიჭება მიმართვის დღიდან და მინიჭებამდე პერიოდში მიღებული შემოსავალი დაექვემდებარება საშემოსავლო გადასახადით დაბეგვრას საერთო წესით.
30 000-ლარიანი ზღვრის არ გადაჭარბების შემთხვევაში, მცირე ბიზნესის სტატუსი ენიჭება მიმართვის დღიდან და მინიჭებამდე პერიოდში მიღებული შემოსავალი დაექვემდებარება დაბეგვრას მიკრო ბიზნესისთვის დადგენილი წესის მიხედვით.
ინსტრუქციის მე-5 პუნქტს დამატებული 51 პუნქტის მიხედვით, თუ მიმდინარე წლის განმავლობაში ფიზიკურ პირს გაუუქმდა მიკრობიზნესის სტატუსი და მიენიჭა მცირე ბიზნესის სტატუსი, მის მიერ მიმდინარე წლის დასაწყისიდან მცირე ბიზნესის სტატუსის მინიჭებამდე პერიოდში მიღებული შემოსავალი ექვემდებარება საშემოსავლო გადასახადით დაბეგვრას საერთო წესით.
იცვლება მცირე ბიზნესის სტატუსის მინიჭების თარიღი. მცირე ბიზნესის სტატუსი პირს მიენიჭება საგადასახადო ორგანოსთვის განცხადებით მიმართვის დღიდან. სავალდებულო ხდება „მცირე ბიზნესის სტატუსის მქონე ფიზიკური პირის საშემოსავლო გადასახადის ყოველთვიური დეკლარაციის~ წარდგენა, როდესაც გადასახდელად დასარიცხი გადასახადის თანხა ნულის ტოლია.
„ფიქსირებული გადასახადის გადამხდელის სტატუსის მინიჭებისა და გაუქმების, ფიქსირებული გადასახადის გადახდისა და ანგარიშგების და ფიქსირებული გადასახადის გადამხდელის სერტიფიკატის გაცემის წესის შესახებ~ ინსტრუქციაში (დანართი #4) შეტანილი ცვლილების მიხედვით, განსაზღვრულია, რომ ფიქსირებული გადასახადის გადამხდელის სტატუსის მინიჭებისას ფიზიკური პირის შემთხვევაში ინდივიდუალურ მეწარმედ რეგისტრაცია სავალდებულოა.
ფიქსირებული გადასახადის გადამხდელის სტატუსის გაუქმების პირობებს ემატება ფიზიკური პირის გარდაცვალება და ინდივიდუალურ მეწარმედ რეგისტრაციის გაუქმება.
მაგალითი 1:
პირობა:
ფიზიკური პირი, რომელიც რეგისტრირებულია ინდივიდუალურ მეწარმედ, ახორციელებს სურსათით საცალო ვაჭრობას. აღნიშნული საქმიანობის ფარგლებში მის მიერ 2023 და 2024 წლების განმავლობაში მიღებულმა ერთობლივმა შემოსავალმა თითოეული წლის მიხედვით შეადგინა 600 000 ლარი.
პირმა მცირე ბიზნესის სტატუსის მინიჭების მოთხოვნით საგადასახადო ორგანოს მიმართა განცხადებით 2025 წლის 10 იანვარს.
ანალიზი:
მიუხედავად იმისა, რომ გიორგის მიერ 2023 და 2024 წლების განმავლობაში მიღებული ერთობლივი შემოსავალი თითოეული წლის მიხედვით აღემატება 500 000 ლარს, აღნიშნული არ არის მცირე ბიზნესის სტატუსის მინიჭებისათვის შემზღუდველი პირობა. ამასთან, ვაჭრობა არ წარმოადგენს საქართველოს მთავრობის დადგენილების მიხედვით მცირე ბიზნესისთვის აკრძალულ საქმიანობას. გიორგი აკმაყოფილებს საქართველოს საგადასახადო კოდექსის 88-ე მუხლით დადგენილ მცირე ბიზნესის სტატუსის მოთხოვნებს. შესაბამისად, მას უფლება აქვს, მიმართოს საგადასახადო ორგანოს და მიიღოს მცირე ბიზნესის სტატუსი.
შედეგი:
საგადასახადო ორგანო გიორგის ანიჭებს მცირე ბიზნესის სტატუსს და გადასცემს სტატუსის დამადასტურებელ სერტიფიკატს. გიორგი მცირე ბიზნესის სტატუსის მქონედ ჩაითვლება 2025 წლის 10 იანვრიდან. მის მიერ 10 იანვრიდან მიღებული შემოსავალი ექვემდებარება დაბეგვრას სპეციალური დაბეგვრის რეჟიმით.
მაგალითი 2:
პირობა:
გიორგის მინიჭებული აქვს მცირე ბიზნესის სტატუსი და ახორციელებს ეკონომიკურ საქმიანობას, კერძოდ, ფლობს „მინიმარკეტს~, სადაც ახორციელებს სურსათის საცალო ვაჭრობას. ამ საქმიანობის ნაწილში 2024 წლის განმავლობაში მიღებულმა დასაბეგრმა შემოსავალმა შეადგინა 200 000 ლარი. გიორგი ასევე ეწევა სასოფლო-სამეურნეო საქმიანობას, საიდანაც სოფლის მეურნეობის პროდუქციის პირველადი მიწოდებით მიღებულმა ერთობლივმა შემოსავალმა 2024 წლის განმავლობაში შეადგინა 50 000 ლარი.
ამასთან, ამავე წელს მან:
– ფიზიკური პირისგან პროცენტის სახით მიიღო შემოსავალი 6 000 ლარის ოდენობით;
მაისის თვეში გაყიდა საცხოვრებელი სახლი 62 000 ლარად, რომელიც წინა წელს შეძენილი ჰქონდა 50 000 ლარად;
– უცხოური საწარმოდან დივიდენდის სახით მიიღო 13 000 ლარი;
– რეზიდენტი საწარმოსგან ხელფასის სახით მიიღო შემოსავალი 15 000 ლარი.
ანალიზი:
ამ შემთხვევაში გიორგის მიერ საქართველოში ვაჭრობიდან მიღებული დასაბეგრი შემოსავალი ექვემდებარება სპეციალური რეჟიმით დაბეგვრას.
პროცენტის სახით მიღებული შემოსავალი, ქონების რეალიზაციით მიღებული შემოსავალი და დივიდენდის სახით მიღებული შემოსავალი არის განსაზღვრული საქართველოს მთავრობის მიერ, როგორც ჩვეულებრივი რეჟიმით დასაბეგრი შემოსავალი. ამასთან, ასეთი ტი პის შემოსავლები მცირე ბიზნესის მიერ კალენდარული წლის განმავლობაში მისაღები ჯამური ერთობლივი შემოსავლის 500 000-ლარიანი ზღვრის განსაზღვრისას მხედველობაში არ მიიღება.
იმის გათვალისწინებით, რომ სოფლის მეურნეობის პროდუქციის პირველადი მიწოდებით მიღებული ტიპის შემოსავალი არ არის განსაზღვრული საქართველოს მთავრობის მიერ, როგორც შემოსავალი, რომელიც არ ითვლება მცირე ბიზნესის განხორციელების ფარგლებში მიღებულ ერთობლივ შემოსავალში, იგი გაითვალისწინება მცირე ბიზნესისათვის დადგენილი 500 000-ლარიანი ზღვრის გაანგარიშებისას.
ხელფასის სახით მიღებული შემოსავალი ნებისმიერ შემთხვევაში ექვემდებარება ჩვეულებრივი რეჟიმით დაბეგვრას.
შედეგი:
მცირე ბიზნესის სტატუსის მქონე ფიზიკური პირის მიერ 2024 წლის განმავლობაში მიღებული ერთობლივი შემოსავალი, რომელიც გაითვალისწინება მცირე ბიზნესისათვის დადგენილი 500 000-ლარიანი ზღვრის გაანგარიშებისას, შეადგენს 250 000 ლარს (200000+50000).
პროცენტის სახით მიღებული შემოსავალი 6 000 ლარი, ქონების რეალიზაციით მიღებული ნამეტი შემოსავალი 12 000 ლარი (62000-50000) და მიღებული დივიდენდი 13000 ლარი არ მიიღება მხედველობაში წლის განმავლობაში მისაღები ჯამური ერთობლივი შემოსავლის 500 000-ლარიანი ზღვრის განსაზღვრისას. ხელფასის სახით მიღებული შემოსავლები ასევე იბეგრება ჩვეულებრივი რეჟიმით.
ზემოაღნიშნულიდან გამომდინარე:
– მცირე ბიზნესის მიერ საქართველოში ვაჭრობიდან მიღებული შემოსავალი ექვემდებარება სპეციალური რეჟიმით დაბეგვრას მცირე ბიზნესისთვის დადგენილი 1%-იანი განაკვეთით ყოველთვიურად, რის თაობაზეც პირი შესაბამის საანგარიშო პერიოდებზე არაუგვიანეს საანგარიშო თვის მომდევნო თვის 15 რიცხვისა საგადასახადო ორგანოში წარადგენს მცირე ბიზნესის სტატუსის მქონე პირის საშემოსავლო გადასახადის ყოველთვიურ დეკლარაციას;
– პროცენტის სახით მიღებული შემოსავალი ჩაირთვება გიორგის ერთობლივ შემოსავალში და დაიბეგრება 20%-იანი განაკვეთით, საქმიანობის ამ ნაწილში გიორგი 2025 წლის 1 აპრილამდე წარადგენს საშემოსავლო გადასახადის 2024 წლის წლიურ დეკლარაციას;
– ქონების რეალიზაციით მიღებული ნამეტი შემოსავალი დაიბეგრება 5%-იანი განაკვეთით. საქმიანობის ამ ნაწილში გიორგი 2024 წლის 15 ივნისამდე წარადგენს ფიზიკური პირის მიერ ქონების/ აქტივის მიწოდებაზე საშემოსავლო გადასახადის 2024 წლის მაისის თვის დეკლარაციას;
– სოფლის მეურნეობის პროდუქციის პირველადი მიწოდებით მიღებული დასაბეგრი შემოსავალი გათავისუფლებულია საშემოსავლო გადასახადით დაბეგვრისაგან, ვინაიდან 2024 წელს ასეთი მიწოდებით მიღებული ერთობლივი შემოსავალი 200 000 ლარს არ აღემატება;
– დივიდენდის სახით მიღებული შემოსავალი, რომელიც არ განიხილება საქართველოს წყაროდან მიღებულ შემოსავლად, გათავისუფლებულია საშემოსავლო გადასახადისგან;
– ხელფასის სახით მიღებული შემოსავალი ნებისმიერ შემთხვევაში ექვემდებარება ჩვეულებრივი რეჟიმით დაბეგვრას და დაიბეგრება გადახდის წყაროსთან.
ცვლილება „საგადასახადო/საბაჟო ორგანოს მიერ ცალკეული ღონისძიებების განხორციელების შესახებ მეთოდურ მითითებაში“
_ შემოსავლების სამსახურის უფროსის მიერ 04.02.2026-ში მიღებული #2243 ბრძანებით ცვლილება შევიდა „საგადასახადო/საბაჟო ორგანოს მიერ ცალკეული ღონისძიებების განხორციელების შესახებ მეთოდურ მითითებაში“.
შედეგად, შემოსავლების სამსახურის უფროსის 2022 წლის 11 აპრილის #9021 ბრძანებით დამტკიცებული ,,საქართველოს საგადასახადო კოდექსის 274-ე და 282-ე მუხლის პირველი ნაწილის საფუძველზე შეფარდებული ჯარიმისაგან ამავე კოდექსის 269-ე მუხლის მე-7 ნაწილის საფუძველზე პირის გათავისუფლების ღონისძიებების~ (დანართი №2) მესამე პუნქტის „გ~ ქვეპუნქტი დაკორექტირდა შემდეგნაირად:
„დღგ-ის გადამხდელად სავალდებულო რეგისტრაციის თაობაზე პირის მიერ საგადასახადო ორგანოში განცხადების წარდგენის შემდგომ, მაგრამ დღგ-ის გადამხდელად სავალდებულო რეგისტრაციის გარეშე საქმიანობის ფაქტზე შესაბამისი საგადასახადო სამართალდარღვევის ოქმის გამოცემამდე ან/და ამავე კოდექსის 269-ე მუხლის მე-7 ნაწილის საფუძველზე ჯარიმისაგან გათავისუფლების შესახებ მომსახურების დეპარტამენტის მიერ გადაწყვეტილების მიღების თარიღისათვის, მაგრამ არაუგვიანეს საგადასახადო დეკლარაციის წარდგენისათვის საქართველოს საგადასახადო კოდექსით დადგენილ ვადაში, პირს წარდგენილი აქვს დღგ-ის შესაბამისი დეკლარაცია~.
საფინანსო სფეროში შეტანილი ცვლილებები
_ ეროვნული ბანკის პრეზიდენტის მიერ მიღებული #18/04 ბრძანებით ცვლილება შევიდა „მიკრობანკების მიერ პილარ 3-ის ფარგლებში ინფორმაციის გამჟღავნების წესში“ (მსგავსად ეხება კომერციულ ბანკებსაც).
დაკორექტირებული მე-2 მუხლის შესაბამისად, პილარ 3-ის ანგარიშგება მოიცავს:
პილარ 3-ის კვარტალური ანგარიშგება – ანგარიშგება, რომელიც მოიცავს რაოდენობრივ ინფორმაციას ამ წესის #1 ანგარიშგების ფორმასა და მიკრო, მცირე და საშუალო საწარმოების სქესის მიხედვით მონაცემთა ანგარიშგების #4 ფორმაში მოცემული ფიქსირებული ცხრილების, განმარტებებისა და ინსტრუქციების შესაბამისად; ან/და:
პილარ 3-ის წლიური ანგარიშგება – ანგარიშგება, რომელიც მოიცავს ამ წესის №1 ანგარიშგების ფორმას, №2 ანგარიშგების ფორმაში მოცემული ფიქსირებული ცხრილებით განსაზღვრულ რაოდენობრივ ინფორმაციას, გარემოსდაცვითი, სოციალური და მმართველობითი (Eნვირონმენტალ, შოციალ ანდ Gოვერნანცე – EშG) საკითხების ანგარიშგებისა და გამჟღავნების ფორმით (№3 ანგარიშგების ფორმა) განსაზღვრულ ინფორმაციას, მიკრო, მცირე და საშუალო საწარმოების სქესის მიხედვით მონაცემთა ანგარიშგების ფორმით (#4 ანგარიშგების ფორმა) და ამ წესის მე-5–მე-7 მუხლებით განსაზღვრულ ხარისხობრივ ინფორმაციას.
დაემატა ახალი ტერმინი და განსაზღვრება:
ქალი მეწარმე – ქალი მეწარმე , რომელიც რეგისტრირებულია ინდივიდუალურ მეწარმედ; საწარმო (იურიდიული პირი), რომლის აქციების/წილის 50 პროცენტის ან მეტის მფლობელი ერთი ან რამდენიმე ქალია; აგრეთვე, საწარმო (იურიდიული პირი), რომლის ხელმძღვანელობაზე უფლებამოსილი პირი ქალია ან/ და რომლის მმართველობითი ორგანოს/სამეთვალყურეო საბჭოს წევრების 50 პროცენტი ან მეტი ქალია.
მე-4 მუხლს, რომელიც ეხება კვარტალური გამჟღავნების მოთხოვნებს, სადაც განსაზღვრულია თუ რა სახის ინფორმაცია უნდა წარმოადგინონ მიკრობანკებმა, დაემატა ახალი პუნქტი, რომლის მიხედვითაც უნდა გამჟღავნდეს:
სქესის ნიშნით ჩაშლილი მონაცემები , მათ შორის , არსებული დეპოზიტების , დეპოზიტორების ტი პის , სესხების , შესაბამისი მსესხებლების ტი პის , სესხის პირობებისა და ვადიანობის შესახებ მიკრო , მცირე და საშუალო საწარმოების სქესის მიხედვით ჩაშლილი მონაცემების თაობაზე ამ წესის #4 ანგარიშგების ფორმის შესაბამისად.
ამავე ბრძანების მიხედვით, მიკრობანკმა პილარ 3-ის ფარგლებში მიკრო, მცირე და საშუალო საწარმოების სქესის მიხედვით ჩაშლილი მონაცემების შესახებ #4 ანგარიშგების ფორმით გათვალისწინებული კვარტალური ანგარიშგების გარდა, პილარ 3-ის წლიურ ანგარიშგებაში უნდა წარმოადგინოს ხარისხობრივი ინფორმაცია სქესის ნიშნით ჩაშლილი მიკრო, მცირე და საშუალო მეწარმე მსესხებლებისა და დეპოზიტორების ტიპების შესახებ, რომელიც შესაძლოა წარმოადგენდეს #4 ანგარიშგების ფორმის მოკლე შეჯამებას.
იხილეთ ასევე:
– 06.02.2026-ის მთავრობის #49 დადგენილება, „ადგილობრივ ბაზარზე ქართული ღვინოპროდუქციის პოპულარიზაციის ხელშეწყობის სახელმწიფო პროგრამის დამტკიცების შესახებ~ 2024 წლის 8 აპრილის #132 დადგენილებაში ცვლილების შეტანის თაობაზე.
– 16.02.2026-ის მთავრობის #62 დადგენილება, „მშენებლობის ნებართვის გაცემისა და შენობა-ნაგებობის ექსპლუატაციაში მიღების წესისა და პირობების შესახებ~ 2019 წლის 31 მაისის №255 დადგენილებაში ცვლილების შეტანის შესახებ.
– 20.02.2026-ის მთავრობის #70 დადგენილება, `შრომით იმიგრანტსა და თვითდასაქმებულ უცხოელზე შრომითი საქმიანობის უფლების გაცემის წესის დამტკიცების შესახებ~, ასევე მასში 26.03.2026 წ. მთავრობის #85 დადგენილებით შესული ცვლილება.
– 27.02.2026-ის მთავრობის #91 დადგენილება, „ვეტერინარული საქმიანობის განმახორციელებელი ბიზნესოპერატორებისა და აგრარული ბაზრების/ ბაზრობების, სადაც ხორციელდება ცოცხალი ცხოველის რეალიზაცია, ვეტერინარული სახელმწიფო კონტროლის განხორციელების წესის დამტკიცების თაობაზე~ ამავე პირის 2018 წლის 26 ივნისის #338 დადგენილებაში ცვლილების შეტანის შესახებ.
მარიამ აფრასიძე